|
اطبخ ووفر الغاز
بسم الله الرحمن الرحيم السلام عليكم ورحمة الله وبركاته اخواني احيانا نطلع للبر ومعنا قدر كاتم والعزبه كلها لاكن احانا نكون ناسين الدافور ماغلقناه يصير الغاز فيه نصه علشان كذا جبت لكم الفكره هاذي من تجربه ساقبه الا وهي انك اذا كان معك لحمة حاشي ولامتوهقين بلحمة فاطرولا صايد لك كم قوقسيه وبغيت تحكر علهن الغدا وتعرفون القوقسي لاصار عود لحمه ماينقطع ولابزراديه ..المهم ماعليك الا انك تشب عليها لين يتستس الكاتم لمدة دقيقه بعد كذا طف الدافور وفلوها انت والربع اما تمشيه او بلوت خمس وعشرين دقيقه اذا كانكم تطبخون قوقسي عود ولا حمام امهات وتزود التمشيه اربعين دقيقه اذا كانكم تطبخون لحمة فاطر.بعدها تكبون الرز وتكملون حسبة طبخة الرز. ملاحظه .توفير الغاز بطبخ الكاتم يصلح لو انك تطبخ لحمة هرفي ولا قميري تطفي الغاز بعدمايتستس وتحسب الوقت اللي تستوي فيه لحمة الهرفي ولا القميري ثم تكب الرز وتحسب وقت استوى الرز) |
والله فكرة حلوة .. ثم الصبر من صفات راعي البر ..
جزاك الله خير على الفكرة الحلوة والموفرة . وعندي فكرة مجربة تساعد على نضوج اللحم أسرع وهي اضافة شوي ورق شاهي مع اللحم عند الطبخ وبعدين لو تبيه يموع ماع .. وشكرا . |
شكرا اخي washem على مرورك وعلى اضافتك الرائعه
|
يسلاااااام عليك
والله ماقصرت يعطيك العافية |
ما شاء الله عليك اشكرك اخي على الفكرة وما قصرت يبي من يجربها |
اقتباس:
اقتباس:
|
ياسلام عليك
الله يعطيك العافيه على الاقتراحات الفعاله والمفيده جزاك الله خير وشرف لنا انك معنا في البراري اخوك دندشه |
اخي دندشه شكرا على مرورك والصراحه اني كلي فخر لانضمامي لهذا المنتدى الرائع. واشكرك على مشاعرك الطيبه.
|
تسلم اخوي الجيب الأسود على الطريقه الجميله وبأذن الله سوف نجربها ونرى ... |
اقتباس:
|
| الساعة الآن 03:10 AM |
Powered by vBulletin .
جميع الحقوق محفوظة © لشبكة ومنتديات البراري 2010