ورطات+تغريز فالبر !

[حـاتـم]

السلام عليكم


أخواني الاعضاء

كل منا طلع للبر لابد يمر عليه اما تغريزه او نشبه بين قصين ولا تعليقه

ومنها

وحتى الحذر مايسلم الا الخبير هاذا ماشاء الله عليه الاقل مخاطر من غيره

ودايم تكون بوقتها مزعجه لكن بعدين تكون ذكريات جميله نضحك عليها

وانا طبعا

أحب اصورها علشان الذكريات

على فكره على شان كذا أخوي الغالي نهام اذا طلعنا مايخليني أنزل من السياره (( علشان الفضايح ماتطلع ))

بس مانلومه معه هوندا ههههههههههههههههههههه وطبيعي تغرز



وأترككم مع الصور

وإن شاء الله تنول على إعجابكم


1/ شاص عالق وطبعا عدما التنسيم أهم شبب واولها للتغريز



2/ باجيرو متعلق وطبعا الموتر يطلع بسهوله بس وش نقول السواق !!!!!



بعد ماتعب السواق قال خل أصور مع الموتر أحسن لي



3/ الباث فايندر متعلق للاسف مايجي الباث ديف لوك ولاكان بيطلع مع مساعده الهزاز



4/ رنج روفر قديم ولله ياهو قاعد (( وأكبر غلط والي يزيد الطين بله الي قاعد يسويه السواق فكلما دعس زياده

كلما قعد أكثر ولو انه كسر للطاره يمين يسار مع الدعس الخفيف بيطلع الموتر والدفع الرباعي مب بحاجه للسحب

ولكن لايمنع التبريح شوي وهو تحرير الاطارات من الرمل المتراكم عليها ))



5/ الرباضات من أصعب انواع الرمال وصعب انك تتحكم بالسياره وقتها لانك واقف واقف لذلك وقف بهدوء

وحاول تسويلك درب للكفرات او طبق او دف علشان تساعد الموتر وبذلك لاتعب نفسك ولاتتعب سيارتك والتنسيم مهم جدا فيها



6/ هاذي طال عمرك صدمه في مكان كثير منه فالنفود وخاصه العروق الكبيره يعني كل عرق وراه نفس الشكل

وهي تشابه المنطقه الي بين القصين بس مصغيره

ولو تلاحظون السياره مانزلت فيها على طول صدمت فالجهه المقابله مع ان السرعه كانت خفيفه





7/ الطين هاذا الي أنس تطلع بدون سحب ولا !!!!!!!





والانتباه الانتباه القياده فالرمال خاصه فن فن فن

وليست عباطه لانك لازم تكون اولا عارف لموترك صح وعارف نفسك صح

وعلى قول أخوي الغالي نهام (( الثقه الثقه الثقه ))


وهاذي هديه مني لكم




وشكرا


أخوكم حاتم

[عبدالهادي المفرج التميمي]

هلا وغلا بحااااااااااااااااااااتم

نورتنا بالصور والتعليقات على الصور

انا خابر عندي صورة شروكي غاطس في الطين ابدور عليها كودي القاهاااااااا

مشكووووووووووووووووووووور



سلام

[هاوي بر]

مشكور على صور التغريز

صور جميله وهم عالقين


اهم شيئ السواق

مشكور على الصور

[nahham]

هلا والله بحاتم

الله يانا قاعد اقرا موضوعك وايدي على قلبي قلت ما نسلم

لكن الحمد لله هالمره سلمنا

تسلم ايدك يابو عبدالله ونبي لنا ذبيحه بمناسبة <<<<<<<<<<< اقول اركد بلا فضايح

مشكور والله

[أبو ثابت]

ماشاء الله تبارك الله ايش الصور هذي بصراحة تخوف الواحد يطلع البر ؟


مشكوووووووووووووووووووووور وماقصرت وما أحلى من الصور الا انها من حاتم .. سلمت يالغالي

[ابي محمد]

تسلم على هذه الصور الروعة
والله يكفينا شر التغاريز

[حـاتـم]

ياهلا وغلا أخواني الاعزاء



ومشكورين على المرور

وترى التغاريز ممتعه في بعض الاحيان

ومفيده لانك بتتعلم من كل تغريزه

وشكرا

أخوكم / حاتم

[دافنشي]

يقول المثل كل ضربه بتعلومه

وكل تغريزه بتعلومه

صور رائعه لتغريزات متنوعه


ليونارد دافنشي

[محمد القحطاني]

صور معبره عن معاناة التغريزات

بارك الله فيك

لك كل شكر وتقدير

[ولد نجد]

يقول المثل البخص عن دبل
والبخص لا ياتي الا بعد معاناة مع التغاريز