قالو حبيبك

[وردة خير]

‏قالوا حبيبك يسمع الشعر قلت أيه
يقـراه بعيونـي قبـل تسمعونـه

لولاه حتى طاري الشعر ما ابيـه*
مير أكتبه من شان خاطر عيونـه

هو روح شعري وأمنياته وماضيه
جذع الشجر وش كان لولا غصونه

اكتب لغيره والقصايد تجـي فيـه
كن القصايد حالفـه مـا تخونـه

هذاك لا منه زعل قمـت أهاديـه
حتى وهو مخطي تعـذرت دونـه

يمكن لو أنه يلمس الجرح بيديـه
يستغرب ان اللي لمسهـا طعونـه

ابطى وهو غايب وزلت حراويـه
وأنا من العـام آتحـرى مزونـه

هو مادرى اني في غيابه محاتيـه
ليته نشد عن حالي اللـي يجونـه

وا قلبي اللي توه أفلـت عراويـه
كيف انسرق وضلوع قلبي حصونه

عجزت أرده كان مانـي براعيـه
يوم انتثر شوقه وهاضت شجونـه

يبسن عروقي لكن اللـي يعزيـه
ان اكثـر العالـم تـردد لحونـه

خافو من الله لا تجيبـون طاريـه
لا صرت أنا موجـود لا تذكرونـه

لو كـل غالـي جابـه الله لغاليـه
ما شفت لك مخلوق تبكي عيونـه

الشاعر متعب التركي

[الوااا(بالله)اااثق]

صح لسان الشاعر / متعب التركي

بصراحة كل بيت أروع من الثاني من شدة ما فيها من المعاني الجزلة

بارك الله فيكم

أختي الفاضلة
وردة خير

على نقل القصيدة

وتقبلوا مروري بمتصفحكم

لاااا هنتم

[تناهيد]

خافو من الله لا تجيبـون طاريـه
لا صرت أنا موجـود لا تذكرونـه

لو كـل غالـي جابـه الله لغاليـه
ما شفت لك مخلوق تبكي عيونـه

رائعه جــدآ ..وردة خير
يسلم ذووقك ويسلم اختيارك الجميل
كل الشكر لك علي هالروعه والرقي في الأختيار ..~
دمتي بكل خير

[بقآيآ .. حرف]

لو كـل غالـي جابـه الله لغاليـه
ما شفت لك مخلوق تبكي عيونـه

صح لسان الشاعرمتعب التركي
وصح ذوقك وأختيارك وردة خير
لا عدمنا هذا التواجد المميز
كل التحايا

[تابع سحاب]

رااااااائع ولك الشكر على الابداع