إرحل خلاص أرجوك تكفى عشاني *** مابي أشوفك من عيوني إذا طحت ..... أخوكم / المحب الوااا(بالله)اااثق

[الوااا(بالله)اااثق]

إرحل خلاص أرجوك تكفى عشاني
مابي أشوفك من عيوني إليا طحت

غالي أحبك وافقدك في ثواني
لكن تغير طبعك إن جيت جرحت

يمكن ملل أو تعشق إنسان ثاني
والا بقربي ضاق صدرك ولا ارتحت

الله معك يا اغلى بشر إحتواني
بضغط على قلبي وبصبر إذا رحت

يبقى مكانك بالضلوع المحاني
ذكراك منحوته على خافقي نحت

لو إني أنسى كل واحد نساني
ما كان ليلي يعرف الصوت لا نحت

أصعب شعور تموت حلو الأماني
بيدين من يعرف غرامك وله بحت

روح وتـأكد رغم ما منك جاني
أبذكرك بالخير لمسيت ولصبحت

مانسى زمانك لكن إذكر زماني
إذا خذاك الشوق يمي وسرحت

إرفع راسك يوم قلبك مكاني
أبيه فوق بكل حاجه ما هو تحت

صحيح أحبك لكن إرحل عشاني
شينه أشوفك من عيوني إلا طحت

شينة أشوفك من عيوني إلا طحت
شينة أشوفك من عيوني إلا طحت

مما راق لي