~ لاتحسب إني كنت ناوي أخليّك ~

[رذاذ]

،؛،
خربشات كيبورديه كتبتها هنا لتحريك المنتدى شوي

،؛،

لاتحسب إني كنت ناوي أخليّك
لا والـذي ســوّاك ماكنــت نــاوي


ولاكنت أفكّر أبتعد عنك وأسليك
وشلــون أسلى حبَّـك اللي يـــداوي


قلبٍ يبيــع الكــون كلّه ويـشـريك
كلّ الأمل في شوفتك والرجـاوي


ياقلبـي اللي يعجـز القلب يوفيـك
وياعمري اللي ضاع دونك شقآوي


كآني صدَقت بنلتقي في أراضيك
وأسقيك من حبّي الفريد السماوي


وأسلّمك تذكـــار قلبــي بأياديــك
ويصيـر لك قلبين مُغــرم وهاوي


والله ماأصبر دامني حي باجيــك
باجيــــك دام إني معــــزّم ونــــاوي

،؛،