ياهبوب النود مراتن تسوقين الغمام
ومرةن تسفين ماتلقين في ظهر الثرى
والحقيقة جونا الصافي تغشاه العسام
ولا لقينا عن عواصيفك ملاذ ولا ذرى
كل ما لدت عيوني في متاهات الكتام
قلت ياحظ اللذي لا شاف شي ولادرى
صارت الدعوى بليا عقال. .. وبليا خطام
كل ن يغني على ليلاه والساري سرى
آه من بعض المناظر وآه من بعض الكلام
كلما قلنا برى المجدور قالوا مابرى
تنتظر دربن يودي. ... خطوتينن للأمام
وتصبح بدربن يوديك الف خطوة للورى
بانت حثال الخلايق وانقشع عنها اللثام
وبينت منهاجها الاعوج على روس الورى
تبذل الاموال ما يبغى بها غير الهدام
الله انه لا يربح فيه من باع وشرى
بالتفاهة والسفاسف كدروا شهر الصيام
وشوهوا وجه الفيافي والمداين والقرى
شهرنا اللي خصه الله بالصيام وبالقيام
وش هو اللي بآخر الدنيا على ايامه طرى ؟؟
رامز 10 / 9 / 1434هـ
2013-07-20, 04:21 PM
رمضانيات رامز (4) رسالة
العرض الشجري