العام لك طاري بقلبي ولك شان

[عابر سبيل]

حسي بلوعات الليالي والاحزان
............ بعدين حسي بالهوى لا بغيتي
وش يهمك لو يقولون زعلان
............ لو فيك ذرّه من غلا .. ماجفيتي
يالي تقولين الخطأ زلت لسان
............ في زحمة الايام ليه اختفيتي
خطاي وان جا مدري الذنب وش كان
............ ليه انتهى ذاك الغلا وانتهيتي ؟
وقفت في وجه الزمن قدر الامكان
............ وانتي جنح فيك الخيال .. وغفيتي
غلطان انا في كل الاحوال غلطان
............ اسرجت لك خيل القصيد وسريتي
جيتي وقلت الجرح يوم اقبلت هان
............ وانتي على الجرح القديم ارتكيتي
قلتي لي ان الحب لابد ينصان
............ واليوم ماكنك دقايق هويتي
شافوك حساد الهوى شوف الاعيان
............ يومك على رجم القصايد رقيتي
مابان شي ولا بقى شي ما بان
............ بس انتي اللي غافله ما دريتي
العام لك طاري بقلبي ولك شان
............ واليوم احس بغلطتي لا طريتي
وان قدّر المولى وعشتي بحرمان
............ ومن حرّ لوعات التجافي بكيتي
تذكري قلبٍ له سنين شفقان
............ شوفي بحقه ياكثر ما خطيتي
كل القصيد اللي اقوله على شان
............ تهزك الذكرى عقب ما نسيتي
ل متعب القوآفي الشآعر / متعب التركي

[تناهيد]

صح لسآن شاعرها
أبيات في قمة الروعه
عوافي عالطرح

[عابر سبيل]

ربي يعاااافيك يااتناااهيد ...
اشكر لك مرورك العطر ... فااالك السعادة في الدآآآرين،،،

[ابو سلطان العتيبي]

جيتي وقلت الجرح يوم اقبلت هان
............ وانتي على الجرح القديم ارتكيتي
ابيات جزله
صح لسان شاعرها
ويسلم ذوقك يامراقبنا

-

[عابر سبيل]

هــــلااابك أبــــو سلطــــان مـــرورك تشـــــريــــف لــــي يــالقـــرررررم،،،،،

[عايد]

مراقبنا استاذي وأخي الكريم عابر
صح الله ذووووقك في الاختيار والانتقاء فلا عجب ! فأنت شاعر لك مكانتك فذوووقك حقيقةً رااائع
قصيده جزله لشاعر كبير ... فلا تختار الا للكبار لأنك شاعر كبير ,,, استاذي
تقبل مروري مع خالص ودي وتقديري واحترامي

[Al-KHUSHAIBY]

بيض الله وجهك اخي الغالي

[عابر سبيل]

أخي الغالي ( عايد ) اضافتك وسااام علي صدري ... لااااهنت ياالغالي ،،،

أخي الغالي ( راااشد ) مرورك تشريف لي يالقرررررم ،،،*

[سراب]

ماذا عساي ان اقول امام هذا الصرح الجميل
شكرا عابر

[عابر سبيل]

هلاابك سراااب مرورك تشريف لي ... فالك الجنة ،،،،،