هاك ذكراك من ذكراك ويش أستفيـد كافـي أن المشاعـر هايمـه كلـهـا ودي انساك والنسيـان ماهـو اكيـد كيف ابنسى عيون(ن) رمشهـا ظلهـا من هك اليوم وانت اللي بعيني وحيـد ماخبرت العيـون تمـل مـن خلهـا مير نفسي عزيزه وانت رايـك عنيـد والنفـوس العزيـزه ماتبـي ذلـهـا ليه تعطيني الدافـع واقـول القصيـد ليه صفحـه غرامـي ترجـع تفلهـا ليه ترجع على الماضي تزيـد وتعيـد وانت من عـام الاول عاجـز تحلهـا مابرى الجرح الاول كيف يبرى الجديد شوف حالي نزيـف جروحهـا سلهـا كل ماشفت لك ذكرى وربـي شهيـد كـن نـزاع روحـي بالحفـا تلهـا اندفعـت لغرامـك يالغـزال الفريـد والغـلا لـه دروب خاطـري دلهـا فرحتـي بالقـا رغـم انهـا ماتفيـد فرحـه القـاع لامـن المطـر بلهـا وش بقى يالسراب اللي قريب(ن) بعيد المحبـه وراحـت وانتهـى حلـهـا لو كـل بكيفـه ياخـذ اللـي يريـد كان ماشفت ناس تمـوت فـي غلهـا هاك فرقاك خذها خـل قلبـك شديـد خلهـا ماشيـه بحمولـهـا خلـهـا* كل مـازاد تعذيبـك ذنوبـك تزيـد الله اعلـم صلاتـك باطلـه كلـهـا الشاعر ( متعب التركي )
مير نفسي عزيزه وانت رايـك عنيـد والنفـوس العزيـزه ماتبـي ذلـهـا صح لسان الشاعر وصح ذووقك اخي عابر قصيده في منتهى الرووعه
لااهنت أخوي الغالي ( عايد ) مرورك تشريف لي طااال عمرك .. فالك الجنة ،،،،
كل ماشفت لك ذكرى وربـي شهيـد كـن نـزاع روحـي بالحفـا تلهـا مؤلمة ياعابر يسلم ذوقك صح لسان متعب التركي شكرا لما قدمت
[align=center] ابيات رائعه سلمت لنا ذائقتك يعطيك العافيه [/align]
الله لااايهينكم على مروركم العطر وإضافتكم الرااائعة ... فااالكم الجنة،،،،،
ذوق راقي تسلم وصح السان الشاعر
صح لسان الشاعر سلمت يمناك ياغالي .
مشكور ياعابر سبيل اختيار جميل
تشرفت بمروركم أحبتي فالكم السعادة في الدنيا والجنة في الاخرة ،،،،،،
2013-02-17, 01:04 AM
هاك ذكراك من ذكراك ويش أستفيـد
العرض العادي
