تربعي بين الحنايا / ومشكور ..قصيد جابك من بياض النوايا

[خوي النهار]

من بعد ما كان الجفا قاسي شعور
جيتي وكل جـــروح قلبـــي عرايا


حفرت لـ الذكرى وسط صدري قبور
عشـــــــان تبقـــى هالخفايــا خفايــا


وفي بسمتي بـ أخش ما كان مستور
إليـن مـا جـاتـك دمـــوعـي سـرايـا


في غيبتك ما كن لـ العالم صدور
ولابه مكـان يضم غيــر الزوايـا


كنت اسمع اللي تذبل ورود وزهور
وبغيــــابك آمنت بذبــول الحنـايــا


ما جاك من لفحة نسانيسي قصور
هذي على خبرك عروقي ضمايـا


تربعي بين الحنايا/ ومشكور
قصيد جابك من بياض النوايا


مكسور خاطر لو ماهو بـ مكسور
دامك لـ خطّار الهجوس العطايـا


ومادام ما لـ الحكي بـ مشاهدك دور
بسكت وغيضي بالسكـوت الحكايـا


وتلثمي لا يزعل الصبح والنـور
حتى الصباح يغار مثل الصبايا !


إليا نسيت أتذكر عيونك الحور
تلقينـي أتخيـل بـروق الثنايــا


أكيد ما أنساك لو مرت شهور
ويمكن تنسيني سهوم المنايــا


وإذا نسيتك حي / أبكون معذور
لمـا تكـذب بالـوجيــه المـرايــا


يكفي لو إن ذكرك متاهات وعثور
أنتي لـ ميـــلاد السنيــن الهــدايــا


ويكفي لو إن القلب مظلم ومهجور
لمحت لـ العمــر برجوعــك بقايــا


وإن كان جيتي فاقده قلب وشعور
تنحنحي باقي جروحي عرايــا
راقت لي

[سراب]

يكفي لو إن ذكرك متاهات وعثور
أنتي لـ ميـــلاد السنيــن الهــدايــا
ويكفي لو إن القلب مظلم ومهجور
لمحت لـ العمــر برجوعــك بقايــا


وإن كان جيتي فاقده قلب وشعور
تنحنحي باقي جروحي عرايــا


كلمات عذبة شجية واختيار موفق
لقصيدة مليئة بالاحساس
شكرا لاختياراتك اخي ابويزيد

[عايد]

صح لسان الشاعر وصح ذوقك الراااقي
اخي خوي النهار مارااق لك رااق لنا قصيده في غاية الرووعه
تقبل مروري وتقديري لشخصك الكريم

[خوي النهار]

المشاركة الأصلية كتبت بواسطة سراب

يكفي لو إن ذكرك متاهات وعثور
أنتي لـ ميـــلاد السنيــن الهــدايــا
ويكفي لو إن القلب مظلم ومهجور
لمحت لـ العمــر برجوعــك بقايــا


وإن كان جيتي فاقده قلب وشعور
تنحنحي باقي جروحي عرايــا


كلمات عذبة شجية واختيار موفق
لقصيدة مليئة بالاحساس
شكرا لاختياراتك اخي ابويزيد

سلمتي على المرور الجميل والعطــــــــر

المشاركة الأصلية كتبت بواسطة ابو عايد

صح لسان الشاعر وصح ذوقك الراااقي
اخي خوي النهار مارااق لك رااق لنا قصيده في غاية الرووعه
تقبل مروري وتقديري لشخصك الكريم

شرفتنا ابوعايد بالمرور فـلك التقدير والشكر

[Al-KHUSHAIBY]

تسلم اخي الغالي لاهنت
بيض الله وجهك