العتب والمشاريه

[خوي النهار]

من قبل تبدين العتب والمشاريه

ومن قبل لا يزبن خطاك لصوابك

لدي بعينك صوب ضلعي وشوفيه

مكتوب في عرضه (طواني غيابك)

ولدي بعينك صوب قلبٍ نسبتيه

متو سدن ضلعي يحسبه جنابك

والهاجس اللي لا بدا الليل يسريه

محدٍ يرده لا سرى غير بابك

يبكي على بابك وحتى يبكيه

ويطرد سرابك لين يتعب سرابك

صخرت لك كل القصيد بمعانيه

وجمعتها بكتاب دمعه تشابك

من زود مابه وصف زاخم وتشبيه

تسابق العشاق تشري كتابك

ماابغي ثواب الخلق من يوم تشريه
لا والله الا غايتي به ثوابك

راقت لي

شعر\ نــــواف نشمي العنزي