بسم الله الرحمن الرحيم
السلام عليكم ورحمة الله وبركاته
مما راق لي
قول الشاعر لهذه القصيدة عن
المراجل
*********
إذا المراجل لبسة شماغ وعقال
قل للعذاري يلبسن العمايم
ما عاد يفرق زول حرمة ورجال
دام الفعايل تشبه البعض دايم
المرجلة ما هيب كلمة وتنقال
وتروح ما راحت هبوب النسايم
ولا خشونة صوت أو رفع الاثقال
او رزة صدور وفعل الزلايم
ولا هي بعد مفتاح موتر وجوال
والا ردى لسانن حديثة شتايم
المرجلة شيمه عن القيل والقال
رفيع نفسن حر بالجو حايم
المرجلة عقل وزن وزنه جبال
ودون العقل وش فرقنا والبهايم
يا مسندي لو مايل الوقت بي مال
يا ولد أبويه يا عظيم العزايم
يا معرب الجدين من العم والخال
يا نخوة المفزوع وقت الهزايم
المرجلة يا خوي هي طولة البال
هي العزم هي الصبر فالظلايم
فيها الكرم عزة دله وفنجال
فيها الكرامه عن ردى الطبع شايم
والدين لا منه خذا القلب منزال
مشى طريق الحق وابليس نايم
ومن لا عرف ربه في طيب الحال
لا بد وقت الضيق بالهم هايم
حتى صلاتك مع جماعات ورجال
في خيرها يا خوي نعم الغنايم
ولا من نصف ليلك قم صفي البال
يا عظم أجرك بين ساجد وقايم
ولا من رفع ربي له كل الأعمال
حسن الذكر لا قالوا فلان صايم
وخلك شريف القصد يا طيب الفال
سوء المقاصد فالبيوت الهدايم
واحذر تبيع النفس في درب الأنذال
وتتبع خوي ابليس راع النمايم
النفس خيل لك إذا كنت خيال
ومن لا قوى نفسه قوته الهزايم
ولا صرت ما تدري لويش انت رجال
والله خسارة فيك ذبح التمايم
2012-11-16, 06:26 AM
إذا المراجل لبست شماغ وعقال &&& قل للعذاري يلبسن العمايم ... إنتقاء أخوكم المحب الوااا(بالله)اااثق
العرض العادي
