بيان مابه خفا من قالها ما يخاف

[عايد]

للشاعر/ سعد الدخيل العواد رحمه الله


سلام ردت وفا من جرح قلب نظيف
بيان مابه خفا من قالها مايخـــــــاف
جاني سعود وكفا بالدار مامن خليف
وشب السراج وطفا من قبل نوره يشاف
ان كان بان الجفا اقول انا يالطيف
مانيب موسى القفا والله يشوف الخلاف
ان كان شربه صفا الضيف بادن يضيف
والطارش اللي لفا ياخذ بحد الرهاف
ذكرت برد ودفا والله يعسف عسيف
الى عفا الله عفا من حج يسعى وطاف
أنصح هل المختفا لابرد وقلت صيف
يطيح غصن الشفا من بين نون وكاف ؟
ــــــــــــــــــــــــــــــــــــــ
وله ايضاً يسند على صديقه :

ياحمد ليتك تشيل الهم عني لو دقيقه
كان والله ماتلوم اللي عيونه يسهــرني
ماخصرت اللي نشدني مار ماعطيه الطريقه
كل من جرب غثا بقعا حشى مايرجهني
ودي أضحك مع ربوعي وانتصارح بالحقيقه
والغلط مرجوع والله مايجي منك ومني
كل ماطفيت نار القلب شبت به حريقه
والهواجيس أخلفني ياحمد عن كل ظني
في نهار اليوم شفت الناس في باص وثيقه
وفتكرت بخلق ربي والعيون يغيرني
من سمع بأخبار ربعه جا وهو نفسه شفيقه
ومن تكمل ضاع رايه بين شيعي وسني
من فضخ عينه بكفه مايداعي به صديقه
والنصايح برمضان يوخذن ويجدعني

[سراب]

ماشاء الله عليه يقدح من راس صافي
شكرا لك ياوالدي على طرح هذا الابداع
للشاعر سعد العواد
بيض الله وجهك

[عايد]

مشاء الله عليك ابنتي المشرفه سراب
اسعدني مرورك ووجهك ابيض
لا عدمتك