..........( جفران ....................

[عبدالله ماجد العفاس]

السلام عليكم ورحمة الله وبركاته

جفران طير حر وحش , اشتريته من أحد الجماعه في الدمام قرناس ثالث وقنصت به موريتانيا وقنص به
ولد عمتي ليبيا ,الجزائر , طير عجيب طلع ولايخلي الحبارى تروح ومن النوع النادر , سبب بيعي له عدم دخول الطير الوحش الامارات ! لكنه من الطيور النادره التي مرت عليّ , له مقطع فديو صايد الحبارى في الصحراء المغربيه في اراضي جبهة البوليساريو ان شاء الله احاول اعرضهاا عند شوي خلل في الكمبيوتر , وIPAD
ماتتحمل منه مقاطع الفديو . موجود المقطع في you tube باسم (جفران ) .
.................................................. .
يا ماحلا لا طلع جفران . . مطلع على البعد له صيده
مطلع خروب مع الطمان . . عزم وبانت تفاريده
بعد العصر حزة امسيان . . يا ماحلا شوف توكيده
لا قبل على مكوبر الحفان . . يقطع عظا الخرب ويبيده
ولهان في شوفته شفقان . . هذي تباشيره وعيده
طيري وانا اغليه من زمان . . خابر فعوله وتوكيده
مهوب نزر وفيه عفان . . لاهد وقع على حيده

.....................................

[أبو ريم]

بااارك الله فييييييييييييييييييييك

[غانم الضومري]

الله على طيركم جفران .. واللي عزل يسلموا إيده

رائعه . يسلم الطير بعـــز راعيه ..

تحيتي

[عبدالله ماجد العفاس]

برق المراويح
غانم الضومري
شكرا لمروركم الاخوي الصادق .

[صبح المطر]

الله الله
أخي / قلب ذيب
صح لسانك مدد بلا عدد
وبيض الله وجهك
تحيتي

[سراب]

صح لسانك مدد بلاعدد
كريم جدا يابوماجد بحرفك علينا
شاعريه فذه سريعة التعبير وغنية المفردة العذبة
تسلم يمينك