عقبي تحارب

[سآهر الليل]

عقبي تحارب وانا عقبـك احـارب
من قالي ابيك قلـت لـه : ماابيـك

مارحت اسوي عقب حبك تجـارب
(ولا قلت يمكن غيرك يعوضني فيك)

وعقبك وانا اسلوبي مع الغيد خارب
ولايتعـدل كـود لا مـر طاريـك

لي مشرب وللناس عـدة مشـارب
ضامـي ولاتروينـي الا مراويـك

مانيب اتاجر في غرامك واضـارب
ولو لك ثمن لو انك تنباع واشريـك

وقتي معك عكس اتجـاه العقـارب
كل مابغيت انهيـك القانـي ابديـك

مدامـك تحـارب فلانيـب هـارب
واللي بيجيني من شجاعتـك بيجيـك

عبدالله علوش