يا علي الزين بينت رسومه والنفس به مجبورةٍ ومولعة الله اكبر ياجماله ما اروعه.

[سمو المشاعر]

الزين بين في رسومه يا علي


هذة القصيده من قصائد الشاعر الكبير سليمان الهويدي__ رحمه الله __ وهي
من القصائد الجميله والتي تغنى بها الكثير ولا تزال في ذاكرة الكثير من محبي هذا الشاعر





الزين بيِّنـتٍ رسومــه يا علــي
وإن القمر غير النجوم اللي معه


والخيل اعرف اصيلها من تقبلي
واعرف عفريِّ الظبا من مدمعـــه


والبيض شاسع فرقهن لا تسألي
الزين وهبــه والكريــم موزعـــــه


الزين حلــوٍ دايـمٍ دله حلـــــــي
ألذ من طش السحاب إبمنفعه


والشين شين الله يعين المبتلي
إن قابلك تفرح متى الله يقلعه


وجدي على نجل العيون الأكحلي
النفس بــه مجبورةٍ ومولعـــــــه


راعي ثمان مرهفات ذبَّلـــــي
بيضٍ تلالا حدر طرقة برقعــــــه


غضٍ من الجنس اللطيف مكملِ
الله وأكبر يا جماله ما أروعــــــه


زينــــــه بلا مكياج وبليا حلـــي
زينٍ طبيعــي ولا يستصنعـــــــــه


أحلى من العفري تهايا وأجملي
النور بطخمته وسلبة مفرعـــــه


إن هج مع صيد الخلا ما يجفلي
ماهو بعيد إن الجوازى تتبعــــه


واللـه ما عنك خفيه يا عـلي
من يوم كلمته وانا قلبي معه