تقرير بأثر رجعي لرحلة ابناء العم والأخوان للصمان بقيادة معزبنا ابو محمد (سلطان)

[rhaal]

بسم الله الرحمن الرحيم


السلام عليكم ورحمة الله وبركاته
حيا الله الجميع من اعضاء وزوار
وأعتذر لكم عن التأخير الغير مقصود للتقرير لمشاكل واجهت جهازي
والتقرير هذا بتاريخ 30 / 3 / 1433هـ يعني قرابة الشهر إلا

فبعد أن الح علي أبناء العم وأبناء الأخوان بمخاواتهم لرحله خطافيه للصمان
فيضة الروثيه والبخراء توكلنا على الله ومخاواتهم ما تفوت بس كان عندي شغل وأجلناه
ونخليكم مع بعض الصور وبعض التعليقات


في البداية توقفنا يوم الاربعاء للمبيت بالدهناء بعرق السرو
لجمع بعض الأرطاء والراحه
وخلدنا للنوم مباشره
وبعد أن اصبحنا على فجر الخميس بدأنا باللقطات وتشغيل الكام
1


بانوراميه لمكان المبيت
2



3



4



5


يازين الدفا زيناه
6


والحمد لله ما قصرو الشباب كلشن جاهز
بس وين اللي يبي زنجبيل / قهوه / شاهي / حليب
7


يمال الصلاح مشعل أترك عنك العياره
وخذ السكين عن عمك
هذا وهو مصخن ما علمنا لأنه بعد الرجعه أدخل المستشفى وزين عملية مراره (والله العالم إنها منك يامشعل)

8


دخلنا الصمان من قبل الرفيعه ووجهنا للشمال
وهذي من الفياض الرائعه لكن عابها كثرة الكشاته
واللي ما شاء الله عليهم أغلبهم محافظ على المكان ونظافته
9


وغيرنا المكان للبخراء وكانت أقل من المتوسط لكن المكان رائع من حيث كبر مساحة العشب وقلة الناس ما حولنا إلا مكاشتين فقط ونعم الجيران
10



11


وبدا معزبنا وشيفنا ابو محمد بتجهيز الغشوه
12



13



14



15


محل التكيه والشباب متفرقين اللي ماخذ له غفوه او اللي يتمشى
16



17



18


وهالسلطه كنك بعلقه بالحوش
19



20



21


سمو يالله حيهم
وتسلم يمناك ابو محمد (كبسسسسسسه)
22


وعقبها بياله مخدره إنما إيييه من يدين ابو علي (نواف) طبعاً وإلا أخوه الكبير كسسره مثل ما تحطه تلقاه
23


وقهوة المغرب عند هالضويه جاهزه
24


وعقب ما خلد الجميع للنوم
والمكان خلي عقب ما كان صجه ولجه اللهم لاحول
واوك يالله الجنه
25


بعد إفطار صباح الجمعه يتشاورون بعد ما هبت ومواريها عجه الله يستر
المشكله إنهم بالدبره أركبو بس وخلو أميرنا يوجه للي يبي بس
هو مشاوركم أصلاً
26


بالخير يا أميرنا
27


وكانت توقعات قائدنا صائبه بإذن الله وهاهي تعج يادافع البلاء
ولله الحمد بعد ما توازنا بالمواتر
28


وتوقفنا بخريم للمزاري الواجده وتصليح الغشاء
29



30


الشباب لقوا هالسفنجه
بس اللي قاهرني ياعبدالله وش يضحك هالكثر يوم شفته (ليييش)
31



32



33



34


والرز بالصاجه (بس تلطمو) تفجير ثوم يا كافي
35



وطريقة كتمه
36



37



38


ولابد من هالبياله
39


وابو محمد يشر للشباب بحركت حبه لهم
الله يجمع قلوبهم وينفع بهم
40


ولقطة الختام للتقرير
41




والسلام عليكم ورحمة الله وبركاته