ياتـل قلبـي تلـة المـوت للـــروح

[الركام]

ياتـل قلبـي تلـة المـوت للـــروح
- - - - - من هـاجـس(ن) فالقـلـب دائـم يتـلـــه

مـن سـبـتـه كنـي علـى نـار وافـــوح
- - - - - اطـبـخ كمى تـطـبـخ علـى النـار دلـــه

هـرج(ن) سـمـعـتـه كـنـه النـار مـقـــدوح
- - - - - والـلـه مثـل السـيـف جـابـه يسـلـــه

ياليت هـذا الهـرج قالـه لمصلـــوح
- - - - - يالـيــت هـذا الهـرج قـالـه محـلـــه

اقسـم قسـم بالـلـه مافـيـه مصـحـــوح
- - - - - باطل ولالـه مـن دليـل(ن) يـدلـــه

وكلن يـقـول الهـرج باطـل ومـرجـــوح
- - - - - نـعـرفـك والله ماتجـي منـك زلـــه

مافـي شك الـدرب واضـح ومـبـــروح
- - - - - واثـق بـنـفـسي ماحصـل فـي خـلـــه

هـرج القـفـاء ياتـي مـبـهـر ومملـــوح
- - - - - هـرج القـفـاء مـعـروف بالـكـذب كـلـــه

مـيـر البـلآ في سامـع الهـرج بنـصـــوح
- - - - - هـذا هـو اللـي زود الطـيـن بـلـــه

اليـا نـشـتـه قـال ماقـدر ولاء ابـــوح
- - - - - هـذا كـلام(ن) جـاه واحـد يقـلـــه

عـذر البـلـيـد اللي يمـسـح علـى اللـــوح
- - - - - اللي يشـوف النــاس مثـلـه مخـلـــه

والنـاس ماتـرحـم ولاء تطـلـب اوضـــوح
- - - - - ولا يـفـرق اكثـرهـم حـرامـه وحـلـــه

هـرج(ن) بـدون ثـبـوت وشـهـود وصـــروح
- - - - - هـرج الضـعـيـف اللي بـلا شـك عـلـــه

ما عـاد يـنـفـع عـذر ماهـو بمسـمـــوح
- - - - - والـلـه مانـسـى ماحـصـل ذاكـرلـــه

لـولا الرجـال اللـي له،ا قـدر ووشـــوح
- - - - - والـلـه لسحـب بـنـدقـي مـن محـلـــه

وليـصـيـر شـي(ن) ماحـصـل ويـن بـيـــروح
- - - - - والـلـه لاجـيـبـه لـو دخـل عنـد خـلـــه

لكن على الـلـه خـالـق الكـون والـــروح
- - - - - عـالـم بمـا فـالـكـون دقـه وجـلـــه

انـه يـجـازي من تسبـب لـي اجـــروح
- - - - - اللـي بلانـي جـعـل ربـي يشـلـــه

يـصـبـح طـريـح افـراش عـايـب ومـطـــروح
- - - - - مـالـه عـلاج وحـالـتـه مستحـلـــه

والقـاف رتـبـتـه علـى قـاف مـجـــروح
- - - - - والظـلـم عـنـوانـه وراسـي يهـلـــه

عـبـدالـلـه الــحـــربـــــي ..