| التعليمـــات |
| التقويم |
|
|
|||||||
|
|
أدوات الموضوع | انواع عرض الموضوع |
|
#1
2011-09-11, 06:18 PM
|
||||
|
||||
هبي بريحه ياهبوب الشمالي
السلام عليكم ورحمة الله وبركاته هالقصيده معروفه وشاعرها مايشق له غبار والي هو الشاعر سليمان بن شريم يقولون ياطويلين العمر انك يا ابن شريم كان يحب له بنيه وهي اخت لاثنين من الابوا قد تقدم لهم عشانها لكنهم ردوه مالكم بالطويله تقدم لها واحد وقام يحدحدهم وتطلبهم لين زوجوه البنيه وهي مغصوبه مالها شف فيه المهم قامت تضايقه وتضيق عليه لين طلقها (إن كيدهن لعظيم) ويقال انها كانت تبي واحد لكن ما انكتب لها المهم يوم رجعة لبيت اهلها ما اهتموا بها اخوانها لذاك الزود نقدر نقول سافهينها المهم انت ياسليمان رفيقاً لاخوان هالبنت وكل ماسير عليهم دربه يسوقه عند غرفه تكون فيها البنيه المهم عود ابن شريم يخطبها هو يبيها والبنت تون عليه مير ماقبلوا اخوانها وردوه فكتب هالقصيده والي تعد من افضل قصايده واشهرها  ياونتاه اللي برت جـــسم حالي بري الدبا نبنوب غصن تغشــــــلاه على عشيـر بالموده صـــفا لي وازريت أنوش حماه وانا اتـــــــعداه غرو جبينه مثل خـط الــــهلالي سبحان رب صـوره ليـن ســــــــواه وحيـاة رب كمله بالجمالــــــــي من مفرق الهامه إلى حد ماطـــاه انه منول وامس واليوم غـــــالي واتلى زمانه بالغلا مثل مــــــــبداه ماله حلي إلا مـودة عيـــــــالي اصغر عيالي بالغلا كــــــــــــنه إياه لا ابطيب ماشفته وهو ماعنالي عفت المكان اللي يغيظه ويـــجفاه لو دلهوني عنه مانيب ســــالي اشفق على شوفه واهوجس بطرياه شوفه دواي وقل شوفه زوالــي حكيم طب جامع داه ......... ودواه حقه على إلى تزخـرف قبـــالي ابعد مزاره بالهوى واتمـــــــــــــنـاه وحقي عليه إلى اعترض له مجالي يصفح ويلقاني على الطول والـقاه مابه من العذروب عنق الغزالـي إلا الزمان اللي حداني وعــــــــداه ريقه حلا من در عفر متــــــــالي لا ورحن من مدفق سـال مجــــراه هبي بريحه ياهــــبوب الشمالي كود الجنوب ومطلع الشمس تنصاه عبث صبيت لعشرته من صبا لي سجلي بنجله والموده مـــــــجازاه ياما وياما فرقتنا اللــــــــــــــيالي نجع مقيم وفرق البعد لامـــــــــــاه أقفت مراحيله وانا اقفت رحالي خليت مداهيله وعميت ركايــــــــاه وخان الزمان بعشرته والـــتوالي ورثت من يصفق شماله بيــــــــمناه وعضيت بسرة شاهدي من هبالي وونيت ونة من نقــــــــــــل داه برداه اسهر إلى نام المعافى لحـــــــالي والصبح اجدد ذكر حـــــــمام واسماه هني دحـش دب الايام ســــــــالي ماولعه طرد العماهــــــــــــيج واغراه ولا صلاه من التصاريف صـــــــــالي وذاق الفراق وتاه مثلي بمســــــراه ياطول ماطاوع نسيم الـــــــهوا لي من قبل يبدي لي من الوقت مجـفاه واعتظت من عقب الجديد السمالي ولا ينفع الفايت ولو قيل محـــــــــلاه ليتي قريـب له وبيته موالـــــــــــي والعلم من بيني وبينه مناجــــــــــاه ان كان له بمواجهي مــــــثل مالي وقلبي معه يبراه والهم يــــــــــــبراه وإلا تراني عنه طاون حـــــــــــبالي يلقى وانا القى واحد كنه إيـــــــــــاه مانيب من يتبع خفيف الخـــــــيالي إلى تحدر بارقه عفت مرعـــــــــــــاه هذا وصلوا عد رمل الـــــــــسهالي على نبي شيع الدين واحـــــــــــياه وآله وصحبه كلهم بالـــــــــــكمالي واللي تبع سنة نبيه ومجـــــــــــــراه
|
|
|
العرض الشجري