ماكل شـارب بالرجاجيـل شـارب

[رشيد الهديرس]

ياصاحبي خذ من صميـم التجـارب=عبـرة علـى درب المنافـع تدلـك
لاصار وضعك مايسـرك وخـارب=والهم صـار بكـل وجهـه يتلـك
ناج الكريم وقول بدعـاك يـاارب=ناصيك عبدك طامـع بظـل ظلـك
يجلي ضنك صدرك بوقت المكـارب=لاصرت في رجـواك ترجيـه كلـك
وبرق بصدقانك ومـن لـه تقـارب=واختار من بيـن العريبيـن خلـك
وحذراك من صحبة اشباه العقـارب=لايخدعـك لامـن تظاهـر يجلـك
ماكل شـارب بالرجاجيـل شـارب=وفرق من اضدادك بعرفك ومن لـك
وقت الرخا ياكثرهـم كـل عـارب=صدقان لكـن عنـد ضيقـك تملـك
تمسي وحيـد وللصعايـب تحـارب=مـن شـدة لشـدة وشـدة تعلـك
ولاصرت غرقانً ورجواك غارب=موتك ولامنـة ارجـالً تذلـك


الشاعرالمبدع و القدير علي المبرد