فقد الام غالي يواسيني وانا الميت وحالي يجبر الدمعات تسيل من الذي فيني ويبكي وهو يواسيني وانا ابكي واتنهد وارسم بالحزن لوحات يجبروني عشان امشي ورجلي ما تمشيني قتلت رعايتي بيدي قتلت الحب والرحمات حرمت النفس من حقها وانا ابكيها وتبكيني وكنه حلم قدامي يقيدني من الصرخات ابي اصحى ولكني عجزت القى ال يصحيني فداك القلب يايمه ومهما قلت من كلمات صغيره في كبر حقك بس اتمنى تعذريني نهبت الفرح من بيتي صحيح اني خسيس الذات صحيح اني ولد طايش وكل ما أسمعه فيني تجول عيونهم فيني تفصل مني قياسات وتشيح وجوههم عني وكني غيرت ديني يظنوا حزنهم اكبر وهم اصحاب هالمأساة وانا اتحدى اذا فيهم ربع ما يحترق فيني نقص قدري بعد موتك وغابت نشوة اللذات وصار الهم عكازي اباكيه ويباكيني عطيتيني بدون حساب ولا سمعتك تقولي هات وانا اشرب حيل من دمك ودمك ما يكفيني يايمه ارجعي كافي ابجلس معك لو لحظات واقبل ايدك ورجلك وافرش لك رمش عيني يايمه ما تحملهم يقولوا فات ما قد مات تعالي غيري هالقول واطيعك باقي سنيني واترك عادة التدخين وانفذ ما تبي بسكات واصلي الفجر في المسجد قبل منتي تصحيني يايمه ارجعي تكفين وطفي شمعة الآهات ابيك انتي ولا غيرك على موتك تعزيني وضميني وداويني مثل ما كانت الهقوات ما ابي احدن يواسيني ابيك انتي تواسيني دخيلك بس لا تبكي اذا شفتي بي الدمعات انا مقوى ابكيك اذا انتي تبكيني
أخي الحبيب السطل قصيدة رائعة من إنسان أروع وعن إنسانة أروع وأروع ومهما قيل فيها من أبيات القصيد فلن نوفيها ولو واحد في المليون من حقها علينا كتب الله لك الأجر والثواب على ما قدمت تقبل تحياتي
قصيدة مؤثرة جداً واليتيم يتم الأم لانها مصدر الحب والحنان الله يطول بعمر أمهاتنا ويحرم من توفاه الله أختيار رائع وموفق أخي السطل ينقل للقسم المناسب
فداك القلب يايمه ومهما قلت من كلمات صغيره في كبر حقك بس اتمنى تعذريني ............ أنتقاء طيب .. صح لسان الشاعر وسلمت يمناك اخي الفاضل السطل
يااااااااااااااارب خد من عمري وطول بعمر ابوي وامي يااااااااااااااااااااااااااااااااااااااااااااارب
2011-04-26, 05:57 AM
فقد الام
العرض المتطور
