رثائية بسيطة ؟!

[عبدالمحسن الرحمه]

في ظلام الليل جالس أطوي أيامي ورى
بين ذكرى صاحب لي انطوى عمره طوى

حزنهم مزن ٍتراكم سيلها فيني جرى
ذقت من بعده مآسي جسمي والله ما قوى

كن في كبدي سعيرة لاذكرته لا طــرى
أرفع أبصوتي وأنادي كني ذيب ٍلاعوى

وين ضحكاته خليلي وين صوته لا سرى
وين هاذيك الليالي وقتنا دايم سوى!

يا علي محدن درابي وش غدابي وش جرى
بعد موتك يا خليلي قلبي من صدق انشوى

لا لفا زولك بعيني كن قلبي ينبرى
آه يالروح الحزينة كل يوم ٍ تنكوى

ليت عمري ينشرا لك بالمتاجر ينشرى
والله أني ما أبالي وشو سعره وش هوى

أحمد الله وأتصبر كل شي امقدرى
كل شي ٍ تحت أمره لا أمر ربي نوى

يا عسى ربي ألاهي محصي ٍ كل الورى
يجعلك بعلا جنانه مع نبي الله سوى