مواااقف ترفع الضغط ؟؟؟

[الافضل]

هلا بالشباااااب الحلوين الزينين اللي يهبلون <<<<< ما يعرف يعبر لاتشرهون عليه



هذا الموضوع ترفيه لا غير ...
.

.
.
.
الأشياء اللي ترفع الضغط كثيرة ومنها ....


-أنك تشرب ببسي حار:
• أنك تعطي أخوك سيارتك ... ويرجعها والتانكي فاااضي
• أنك تدخل المسنجر .. وما تلقى ألا اللي ماتبيهم
• أنك تـتـفاهم مع رجل امن سعودي
• أنك تناظر مباراة على الأي آر تي وأنواع الحماااس وفجأة ينقطع الاشتراك
• أنك تلعب كوره وأنت حافي .. وتشوت غطا البياره ( وانتم بكرامه )
• أنك تذاكر تذاكر تذاكر تذاكر <-- أخلص .. وبعدين تكتشف أن اللي ذاكرته مهوب داخل معك في الاختبار
• أنك تعطي جوالك لواحد ويرجعه لك والرسايل محذوفه
• أنك تقوم من صباح الله وتروح للجامعة تمشي مليون .. وتلقى الدكتور معتذر
• أنك تـَـشرق بالماء
• أنك معك حزام أسود بالكاراتيه ويدعسك أفغاني
• أنك تغرز بالبر وأنت معك جيب .. ويمر من جنبك ددسن يمشي بشويش ويناظرونك ويضحكون
• أنك تتروش .. وأذا خلصت ماتلقى المنشفه • )
• أنك تدخل البيت جوعااااان .. وتشوف القدور قدامك وتغرف وأذا جيت تاكل تلقى الرز بارد
• أنك تكلم ويدق عليك واحد ويلقاك أنتظار ويقطع
• • أنك تغص ولاتلقى أحد يطق ظهرك
• أنك تتفرج على اجتماع دول مجلس التعاون الخليجي
• أنك تصير أمام لجماعه ... وبالركعة الثانية تذكر أنك منتب على وضوء
• أنك تلبس نظاره وسخه
• أنك تشوف فـلم .. وواحد جنبك يقولك القصة
• أنك تمسك خط وفيه ذباب بسيارتك وأنك تفتح الدريشه ولا يطلع
• أنك تدخل حمام ماله قفل
• أنك تاكل حنيني بارد
• أنك تدور شغالتكم باندونيسيا <-- الله يخليهم كلهم يشبهون بعض ( يخلق من الشبه مليار )
• أنكم تلعبون كوره بالبر وتطيح عارضتكم ( باب القوووول )
• أنك تسوي فيها متابع مع الدكتور وتتوهق ويسألك سؤال وماتقدر تجاوب
_ وانت تسبح بالحمام والصابون على جسمك ينقطع المويه.
_ وانت طالع للدوام متأخر .... السارة متعطله بنشر أو بطاريه.
_ بنشرت سيارتك بعد الظهر في عز الحر والرطوبه بالشرقية.
_ ضيف تذبح له وتعزم الأقارب والأصدقاء ويعتذر عند وقت الوليمه.
_ تتصل على البيت ليش التلفون مشغول ؟؟؟ وبكل برود يقولون هات خط ثاني.
_ طالعين كشته وقت الربيع وعند طبخ الغداء ناسين الملح والديرة بعيده.
_ وانت في عز النوم نص الليل يتصل عليك أحدهم غلطان بالرقم بعدين يطير عنك النوم
._ تكتب رسالة رومنسيه . إحم . وتختار الكلمات الحلوه مع الأبيات وتزخرفها وتلونها وعند الإرسال تنمسح
_ اذا جيت البيت الساعه 2 بعد الظهر من الدوام مافيه غداء لأن الغاز خالص

- اذا كنت أقرأ سواء جريدة أو كتاب أو مقال في الانترنت .. ثم يأتي أحد ويقاطعني ..
- أن يسألني الشخص نفس السؤال أكثر من مرة في فترة قصيرة ..
- أن يسولف علي أحد سالفة سولفها علي هو نفسه أمس .. أو أقول له أعرف السالفة ويكمل !!!<<< عناد







الله الله بالردود ..

[فهاد]

احب اضيف الى الاشياء اللي ترفع الضغط

ان الافضل يكتب موضوع ولا يحصللك تقراه

.............الله يعطيك العافية.........

.............روعة.............

[عبد الله الحقيل]

• أنك تلبس نظاره وسخه

عاد هذي أنتم ياراعين النظارات أبخص ،،،

مشكوووووور ويعطيك العافية موضوعك ( يهبل تهابيل) ،،،

أخوك ،،،

[معاند الوقت]

مشكور والله يعافيك

بصراحة صدقت في كل ما قلت

[الغربي]

أنك تسوي فيها متابع مع الدكتور وتتوهق ويسألك سؤال وماتقدر تجاوب


اما هذي ياكثر مامرت علي


يسلموووووووووووووو

[معدي المرقاب]

• أنك تغرز بالبر وأنت معك جيب .. ويمر من جنبك ددسن يمشي بشويش ويناظرونك ويضحكون

هذه مرت علي الله يجيرك من كل شر

تقبل مروري

[ريمه]

هههههههههه مواقف روعه اخوي الافضل الله يسعدك

حنا ماعندنا غير موقف واحد يرفع الظغط ويفجرنا

اذا تزوج زوجي وسكن زوجته في الدور الي فوق قمة القهر

تقبل مروري

اختك دمعة

[الافضل]

فهاد
احب اضيف الى الاشياء اللي ترفع الضغط

ان الافضل يكتب موضوع ولا يحصللك تقراه

.............الله يعطيك العافية.........

.............روعة.............

شاكر مرورك وردك وهذا اللي نبيه

لاهنت ..

عاشق البران
اقتباس:
• أنك تلبس نظاره وسخه

عاد هذي أنتم ياراعين النظارات أبخص ،،،

مشكوووووور ويعطيك العافية موضوعك ( يهبل تهابيل) ،،،

أخوك ،،،

هههههههههههههههههههه ان شاء الله ما تلبسها ولا تجربها

شاكر مروورك الكريم

لاعدمناااك ..

[الافضل]

معاند الوقت
مشكور والله يعافيك

بصراحة صدقت في كل ما قلت

أشكر لك ومرورك الكريم ..

ويعافيك ربي ..

لاهنت عالمرور ..

راع الغرابه
أنك تسوي فيها متابع مع الدكتور وتتوهق ويسألك سؤال وماتقدر تجاوب

اما هذي ياكثر مامرت علي

يسلموووووووووووووو

هههههههههههههههههههههههههه بدت الفضايح خخخخخخخ

اهم شي مايكون فيها طلاب واجد ههههههه

الله يوفقك ..

شاكر مرورك ..

لاهنت ..

[الافضل]

معدي المرقاب
• أنك تغرز بالبر وأنت معك جيب .. ويمر من جنبك ددسن يمشي بشويش ويناظرونك ويضحكون

هذه مرت علي الله يجيرك من كل شر

تقبل مروري

هههههههههههههههههههه

الحمد لله على سلامتك ..

مرورك مقبول والعين والراس

لاهنت ومشكور عالرد

دمعة فراق
هههههههههه مواقف روعه اخوي الافضل الله يسعدك

حنا ماعندنا غير موقف واحد يرفع الظغط ويفجرنا

اذا تزوج زوجي وسكن زوجته في الدور الي فوق قمة القهر

تقبل مروري

اختك دمعة

الله يسعد الجميع ..

هههههههههههههههههههههههههههههههههههههه بس هذا الموقف الوحيد !!!!

الله يعينك ويوفقك ..

مرورك عالعين والرأس

مشكوره الرد ..

لاهنتي ..