ألا ليت تدري وش حصل لي عقب فرقاك

[الركام]

ألا ليت تدري وش حصل لي عقب فرقاك
000000 أسير الهموم ودمعة العين مصخيها
تركت الخفوق اللي شفوق ٍ على لاماك
000000 يجيب البيوت اللي من الشوق يهديها
على شانك لحالك ولا فيه غير سواك
000000 عسى الغاليه ترجع على قلب مغليها
لك الله ما يملى عيوني سوى لقياك
000000 تلج المحاني شوق في صدر راعيها
ذكرت الزمان اللي مضى ياغصين الراك
000000 ليال ٍ مضت بالود ما نيب ناسيها
ذكرت الهدايا والرسايل وهمس شفاك
000000 وتنهدت تنهيدة (وله) كنت مخفيها
أروح المكان اللي جمعني انا وياك
000000 أخفف عن النفس الحزينه واسليها
واشوف الحروف اللي بقت بس من ذكراك
000000 ولا لي معك حيله على شان اسويها
يكفيني انك ما نسيت الغلا هذاك
000000 وانا ياحبيب الروح بصبر وامشيها

عزام الخريف

[المخلص]

واشوف الحروف اللي بقت بس من ذكراك
000000 ولا لي معك حيله على شان اسويها

ابداع رائع ووصف ممتع دقيق يحكي اشجان وآهات

اشكرك على هذا المجهود الرائع.

تقبل مروري
المخلص

[هميلان]

رائع يا ابو سعود
وشكراً لك على الاختيارات الجميلة وصح لسانك
لك مني أجمل تحية

[الركام]

المشاركة الأصلية كتبت بواسطة المخلص

واشوف الحروف اللي بقت بس من ذكراك
000000 ولا لي معك حيله على شان اسويها

ابداع رائع ووصف ممتع دقيق يحكي اشجان وآهات

اشكرك على هذا المجهود الرائع.

تقبل مروري

المخلص

شكرا لك على مرورك

[طارق المحمد]

يسلمووووويالغلا

[مدور الغيث]

اختيار جميل . شكراً لك .

[برق العارض]

صح لسانك ولسان الخريف

[عبدالمحسن الرحمه]

صح ذوقك يالغالي وصح السان الشاعر

[الذعذاع]

ياسلااااام يابو سعووود

هذا يقرب لك الشاعر
انا اشهد انه جزل وابياااااته رااااقيه
حب لي على خشمه
لاهنت يالغااالي

[أميرة الإحساس]

الله يعطيك العافيه أخوي الركام

لا عدمنا طلتك وتميزك يااارب