مبرمجٍ قلبي يحبّك تمآتيك ... حآسب طبيعي ماهو بحاسب آلي

[سفير الحيا]

عليك حقّي كان .. طـوّل تغليّـك
وعليّ حقك كان .. منتـه بغالـي
لا تختبرني تحسب أنيّ ما أراعيك
وأنـا نمـوذج للحبيـب المثالـي
مبرمـج ٍ قلبـي يحبّـك تماتيـك ..
حاسب طبيعي ماهو بحاسب آلـي
لا ضخّ دمه بين ذكـرك وطاريـك
لا عاد تنشد عقبها كيـف حالـي
أروح في دوامـة ٍ مـن تجافيـك
وأستحضر اللي حافظه في خيالـي
صوتك وضحكاتك وقسوة تعاليـك
همسك وحـدة لهجتـك وانفعالـي
عينك ودمعك يوم تزعل واراضيك
صمتك وتفكيـرك بسـود الليالـي
غيرتك لو مافيـه حـي ٍ يحاليـك
حيرتك ما بين الجفـا والوصالـي
كم كلمة ٍ خبيّتهـا عـن محاكيـك
وكم كلمة ٍ في خاطرك قلتهـا لـي
إليا تركتك قلـت بانـت مواريـك
واليا سألتك ما تجاوب سوالـي !
أقول وش فيّه .. ولا قلت وش فيك
ياما وياما .. من غرامك جرالـي
اشياء كثيره تثبت انـي مهاويـك
أزريـت أحـلّ معقّـدات الحبالـي
تغيب ما علّمتني ويـن أراضيـك
والهجر حاظر والغيـاب ارتجالـي
الشوق يدفعني لحضـرة معاليـك
يا اللي غرامك زاد فوق احتمالـي
خف ربك بقلب ٍ يحبّـك ويغليـك
ماهو حرام الحبّ يا بن الحلالي !

قَصَيَدَةْ اٌلْشَاَعِرْ : سَدَّاَحْ آٌلْعِتَيَبِيْ
.. تَحِيَاَتِيْ لِلْجَمِيِعْ ..