عبد الرحمن الصالحي الثانية

[راعي الفرت]

يامسرج خيل النمايم على الغير
دايم على الغرات خيله مغيره
من دافعٍ بالنفس شرٍ بلا خير
شلفاه في عرض المقفي شطيره
يحس نقص بداخل النفس ويغير
وينكف إليا فرق عشير وعشيره
ناقل نمايم مع طوال المشاوير
منبوذ ماعنده على النفس غيره
يثر حقده لا هرجوا بالمشاهير
حيثه حقود ومدح غيره يثيره
لا أقفيت من عنده سيوفه بواتير
ولا واجهك فيك النظر ما يديره
عندك يجي مثل الحبارى مع الطير
وإلا الحبارى الطير توزم مطيره