بس الجدي وأسهيل

[ديم حائل]

قلبي خفوق ٍ مهتـوي هـزه الشـوق =مـع درب بـراقٍ مـزونـه دفقـهـا

بغر النواشي يبرق المزن مـن فـوق =غصب النظر يشاف ضوحـه عشقهـا

بدروبهن ماهن علـى القـاع مدفـوق =يـراج بـا لريضـان جحـره هتقهـا

ومن سيلهن روضٍٍٍ على روض مشقوق= يحدر الوديان سيله سحقها

تنبتبـه عـروقٍ وتحيابـه عــروق =طبـع الطبيعـه يـوم ربـي خلقهـا

يوم الهواء ساق النـداء يمنـا سـوق =من يمهـن ريـح الغـداري صفقهـا

وقلب الشقاوي اعطبـه وزوده شـوق =بريـح الغـداري وصحـاري نشقهـا

ريح الصحاري حطمت ريحة السـوق =ياربعـت بالغيـث ربــك رزقـهـا

يدله بها راع الولـع وراعـي النـوق =ألـي مـع الديـان شوفـه طرقـهـا

وياماحلى ياصـرت بفيـاض وأفلـوق =في خايعٍ تشوف الدبـش فـي شنقهـا

فـي خايـعٍ كلـه نواويـر وعنـوق =وبـه أم سالـم ربعـت مـع سمقهـا

أرضٍ خلا وريح الهواء ريح زملـوق =عطر الخزامـاء والقحـاوي سرقهـا

وشبيت نارك وأظلـم اليـل بعمـوق =فـي عثعـثٍ باليـل يسنـا شعقـهـا

والياحمست البن وبـا لنجـر مدقـوق =لـه دنـةٍ ياصفـوق صوتـه سبقهـا

له ذوق والفنجال ينعش علـى الـذوق =يبعـد غثـى نفـسٍ تزايـد زهقـهـا

من دلةٍ فـوق الجمـر تقـل غرنـوق =هـاذي يقلطهـا والأخـرى فهقـهـا

ويظلم ظلام اليـل ماتشـوق مخلـوق =الا الجـدي وسهيـل يوضـي شفقهـا

بعيد عن النمات وعـن كـل مطفـوق =و راع النوايـاء السيئـه مـع رفقهـا

ألي خذى بتشتيت الأصحاب طـاروق =ياكـم قـومٍ جـاه شـتـت فرقـهـا

واليا انكشف كنه على الخشم مطقـوق =احمـار لشيطـان وصوتـه نهقـهـا

بلقيـل والقـالات والخبـث والبـوق =ياكل لحوم النـاس ويشـرب مرقهـا

أبي صحاصيحٍ لـه القلـب عاشـوق =صحـاريٍ عـذي النسايـم طرقـهـا

والعمر لوطول مـع الوقـت ملحـوق =لوطـال سيـاف المنـايـاء لحقـهـا