( بذرة الإحساس )

[الفردوس]

متواضعه لعلها تشفع لي غيابي ... يعلم الله اني مقصر في حقكم لكن إنتم قلبكم كبير ...


هي لكم ...







زرعت من بذرة الأحساس فيني شعور
لين أعشب وحينها قطفت عذق الكلام


أبكتب اللي أحسه في خفوقي يثور
يمكن تهون المواجع والحمول الجسام


يا كثر ما شفت من وقت الغرابيل جور
عرضت نفسي على شانك لكثر الملام


الصدر (غصن ٍ ) تغني لك عليه الطيور
تعال وأسمع عليك شقال صوت الحمام


محتاج لك مثل ما تحتاج هاالارض نور
محتاج ( أحسّك ) معي لإني أعيش بظلام


أبيك لو هي على قربك تضيق الصدور
يا أول اللي ( معه ) عرفت معنى الغرام


علمتني الصبر لو ماني حليم وصبور
وعلمتني ( التضّحيه ) لو ما أطيق الخصام


لو هو صحيح ( بملذاته ) يفوز الجسور
ما كنت أخسرّك وأنا ما ذقت طعم إنهزام


ما أشوف (غيرك ) لو الدنيا متاع وغرور
يا كثر من مرّ فعيوني مرور الكرام


يقتلني اليآس وأحلام المواصل تبور
بس الأمل ينثر بصحّراي مزن الغمام


يا غايب اليوم من (فعل) أمس منت معذور
يوم إن طيفك سرقني من عيون المنام


كم لي وأنا أكتبك من إحساس صادق شعور
بيت ٍ بنيته ولا جابك عسى للهدام