قصة وقصيدة جديع بن سودان مؤثرة ومن اجمل القصائد

[ام العنود]

السلام عليكم ورحمة الله وبركاته

هذي قصة وقصيدة
مؤثرة ومن اجمل القصائد التي سمعتها وحبيت انقلها لكم ..
وانشالله تعجبكم
وهي للشاعر
جديع بن سودان الخمشي العنـزي شاعر مـن شعراء الجزيرة

العربية ..

مكث فترة طويلة يبحث عـن الزوجة التي تناسـبـه .. تزوج عدة مرات لكنه لـم يوفق في المرأة التي تتوافق معـه .. بعد فترة من الزمن عثر على بغيته وضالته المنشوده .. وجد المرأه المناسبة

والتي طالما بحث عنها .. عاش معها أيـام جميلـة هـي أروع أيامـه ..
ذات يوم خرج للقنص وترك زوجته وهي حامل في أشهرهـا الأخيـرة ..

أثنـاء رحلـة القنص جائـه الخبر المفجع .. قـدرالله أن تمـوت هــذه الزوجـة أثناء الـولادة ..

رجـع فلمـا دخـل البيـت اشتـم رائحتهـا فـي كـل أرجـائـه .. خـرج هائمـاً علـى وجهــه .. ارتقـى رجمـاً (أي جبـل) قـد قيـل لــه أنـهـا دفـنـت فـيـه .. عندمـا صعـد الـى أعلـى الرجـم التفـت يمينـا فرأى قبرهـا ..


فهاضـت قريحتـه بهـــذه الأبـيــات


يا رِجْــم عديتـك وعـدا بـي البـيـن
والقلـب فـي راســك تِبيّــح كنـيـنـه


الله لايسـقـي مفاليــك عامـيـن
ذكرتني راعي الطبوع الحـسـينه


مرحوم ياللي جهـزوا يـوم الثنيـن
العصر من فوق النعـش شايلينـه


رصوا على منبوز لرداف سافيـن
رصوا عليــه اللـبـن وموحـدينــه


ياليـت كفي حـدر خـده عن الطيـن
والكـف الآخـر فوق صافي جبينـه


ياليـت يومي قبـل يومـه بيوميـن
ليت المرض مـن بيننا قاسـمينـه


لا ياحيـاة الشر عقب أريش العيـن
لا واهني مـن شافنــا مقـتـفـيـنـه


شربت لي من صافي الغبن كاسين
هـذّا معاليقـي وكبــدي مـتـيـنــه


ياونتـي ياشيــن فرقـا المحبيـن
وياعيني اللي من فراقه حزينـه


يا سهر عيني والمخاليق ممسيـن
وياقلبي اللي مثل دق المكينـه


قالوا حزين وعشـرك اليوم ثنتيـن
قلت اعذروني زين الاطباع وينـه


قالوا تخير فـي البنـيّ المزايـيـن
قلـت العـذارى غيرهـا منكرينـه


قالوا عجوز قلت وافالكم شـيــن
الخمـس والعشرين قيمــة سنينـه


وجـدي عليـهـا وجـد راعـي بعاريـن
مـمــسٍ خــلاوي والـسـرق حايفينـه


هن راس ماله واشلعوهـن شيـاطيـن
واصبح علـى الجـرة يفـرِّك يديـنــه


او وجد مـن لحقوه طلابة الديــن
صـكـت عُمَيّــا القـايلــة مطلبينه


لحقـوه عكفـان الشـوارب مظليـن
واتشـاوحوه بكــل شلفـا سمينــه


هـذا وصلــوا عــد نبـت البساتــين
عـلــى نـبــيٍ كـلـنــا تـابـعـيـــنــــه

وسلامتكم