الدمـعـة اللي بـاقي شوي وتـطـيح ؟؟؟

[ابو فراس المزني]

مساء - صباح الخير

اليكم هذه المتواضعة وهي قصيدة لي

واتمنى ان تنال اعجابكم واستحسانكم

ما باقي الا الدمعة تطيح واصيـح
بلوا عسى الله لايجيـب البـلاوي

دافعتها واخطت طريق السواميـح
وتعثرت بين الرجـاء والمنـاوي

ومسحتها لاتبين للنـاس واتطيـح
وتفظح خفى قلبن من الضيق ذاوي

لو ان حدب ضلوع قلبي مجاريـح
مستحها من خوف بعض الحكاوي

اخـاف تلقفهـا عيـون المشافيـح
وتروح من راوي على لسان راوي

اخفيتها لاتروح من دون تصريـح
وتضرب لها دربن بعيـد نحـاوي

والورده اللي تحت سقف ومصابيح
ذبلت قهر عقب انقطاع الرجـاوي

ودفنتهـا بيـن النواييـر والشيـح
وبكيت قبل تروح عنها الخطـاوي

عقب النسيم وصافيات الصحاصيح
ثـارن عليَـه مخلفـات الهقـاوي

مثل الجبال السود جنـي مدابيـح
ولاغدن مكان ولامشن بالحـراوي

على الهدف تمشي الليالي الذوابيح
وعلى مكاوي العام زادن مكـاوي

وآقلبي اللي بيـن هـم وسواميـح
لاهو بلا صابـر ولاهـو بقـاوي

مثل السفينة بين الامواج والريـح
لاخانت القبطـان كـل العـزاوي

تلعبي همومي سـوات المراجيـح
واعيش مع همي وحيدن خـلاوي

واصك بابـي واقفلـه بالمفاتيـح
لان الجريح احيان مالـه مـداوي

مالي بدمع مثـل دمـع التماسيـح
بوجيه لاترحـم ولا هـي بتـاوي

على مصايب ناس قامـت تشاليـح
وعلى حلال ايتام كبرت مضـاوي

لاتشتكي للنـاس همـك ولا تبيـح
وخل الامـل بالله حبلـه رهـاوي

والدمعة اللي باقي شـوي وتطيـح
مستحها من خوف بعض الحكاوي

اخوكم الاستاذ : خالد دغيمان الحربي

ابو فـــــــــراس