تلتل وتل القلب

[برق القوافي]

السلام عليكم ورحمة الله وبركاته

هذي قصيده وصلتني عن طريق الايميل ولكن المشكله ماعرفت اسم الشاعر قلت ابطرحها لكم لعل

وعسى ان تنال على اعجابكم واللي يعرف اسم الشاعر لايبخل علينا يعلمنا منهو !





صالي صلا صدري صفق صافي الجوف **** لو صاب صم الصخر عصب صلاها

زلزل زبـار الــزرع زلــزال مــزهـــوف **** هــزهـز زهــور اـلـزاد وازهـد زهـاها

حنحن تحـنـحـن كــن وانــعــن بصــنوف **** وانه تحـن يـجـن سـامــع صــداهــا

لـــجلــج ولــج بـلالـج لـجلاج بــرجــوف **** عــجـعــج لـهـيـب هـاج واهـج سـنـاهـا

سبــت ســهيف الســـاج مسلـوب ملـهوف **** ســلـهـم بـسـود ســــل نـفـسـي سـبـاهـا

غرو غريــر يــغر معــمرم وغــضروف **** اغنج غنوج صـغـيـر غـالــي غــلاهــا

شعشع شعاع الشـمـس لا من بدا الشوف **** شبيه خـشـف الـريــم شــادي حــلاهــا

تـلـتـل وتــل القــلـب تـلات بــتــلوف **** عــشـريـن تـلـه فــــوق تـــلـــه تـلاهـــا

هلهتل جديل هـل هايل علـى كتـوف **** اشقر هــبل نـفـسـي وهــيـض هــواهــا

اسمه بحرف الهاء وبعدها ثلاث حروف **** الــف وســــيــن وبــاء تــالــي نــداهــا

انــخـى خبـيـر خــاض مدخــال مخلــوف **** صــقــر عـريـب الـخــال ويـقدر خفاها

فــــرم قــديـر اقــــدر قـوي ومعـروف **** قــــادر قـــرا قــافــي ويــقـــدر دواهــا