ما أسم هذا النبات

[ولد نجد]

السلام عليكم ورحمة الله وبركاته

لقيت هذه العشبة التي تشابه الكراث وطعمها مررر يعني عقلهم ولا يستساغ
وكما هو واضح ان الورق على شكل حلزوني
من يساعدني لمعرفة أسمها وهل هي سامه

[منصور المناع]

اخوي ولد نجد

رح للعشبة واقلعها وشف لها فص مثل البصل او عروق وصورها لنا

حتى نقدر نميز نوعه

يمكن انه عنصل بس مع البرد منشوي

[ولد نجد]

هلا ابو مشعل
قلعتها ولا فيها فص مغير عروق بس وهي نفس نبتة الكراث

[منصور المناع]

اذا انت كلت منها ترها تموت ............ من الضحك
اطمر للمستشفى وخذ زيت خروع عجل
وتبرع بالدم ابرك لك قبل الموت ما ياصل.............. للعشبه
رفعنا اوراق النبته للمجلس الاعلى وسوف نوافيك بتفاصيلهالاحقا فلا تتعجل

[ولد نجد]

الله يجزاك خير يابو مشعل ردك مدري وش قايل المهم هبل فيني شوي ولا اصدق
والله ياجرعنا يوسفندي نبي غدي مرارته تروح لكنها بقت يوم في حلقي
بإنتظار مايسفر عنه قرار المجلس

[طير بر]

والله قد مرت علي لكن مع الاسف نسيت اسمها

وهي من نبت الوسمي لكن ابنشد شيباننا ونشوف

[الجنوبي 2000]

مشكور اخوي الغالي على هذا الموضوع ويعطيك الف عافية

[سندباد الخليج]

هذي والله العالم يسمونها بنجد بصل القامه والله اعلم اوراقها مثل الكراث شديدة المروره ويقال انها سامه

ولا عندي اكثر من ذلك

[صاهود]

المشاركة الأصلية كتبت بواسطة سندباد الخليج

هذي والله العالم يسمونها بنجد بصل القامه والله اعلم اوراقها مثل الكراث شديدة المروره ويقال انها سامه

ولا عندي اكثر من ذلك

لا تقول سامة اخونا اكل منها

ليتني اعرف نوعها لكن يتراوى لي انها من نفس فصيلة العنصل

[خيال الدهما]

اضن انه نبات يسمى البرقوق على ما اعتقد

ولكن ماني جازم بالامر