| التعليمـــات |
| التقويم |
|
|
|||||||
 |
|
|
أدوات الموضوع | انواع عرض الموضوع |
|
|
|
#1
2010-03-12, 09:55 PM
|
|||
|
|||
البارحه عيني جـزت لـذة النـوم
البارحه عيني جـزت لـذة النـوم والليـل جّـلاب الهمـوم الثقيلـه ابحر مع الهاجوس وغوص وعـوم وسج وابعـد فـي بحـور طويلـه صكات بقعا تطعن الرجـل بسهـوم وطعونها وسط الضلـوع النحيلـه امشي دروب التيه واطيـح واقـوم كنّي على جمر الغضـى والمليلـه لا وا وجودي وجد من ساقه القـوم محكـوم بالاعـدام ظلـم وحيـلـه يصيح بعلى الصوت (ياناس) مظلوم الحكـم صـادر والمنايـا تخيـلـه حسبي عليه الوقت سوابـي علـوم لاهوب صاف(ن) لي ولالي بديلـه دنيا دنيـه كسبهـا اليـوم معلـوم نطرد وراهـا والاراضـي محيلـه ياقلب لاتحزن ترى الرزق مقسـوم وترى الغني ياقلب كسب الجميلـه المكسب اللي طاع ربه على الـدوم صلّى الفرايض والمصاحف دليلـه المال يفنـى والعمـر كنّـه حلـوم ولو طالـت الأيـام تبقـى قليلـه وين الخوي اللي يشـاركّ الهمـوم واليا حصل مكـروه همّـك يشيلـه ناس تبيعك برخص المال وتسـوم خوّة طمع ونفـوس عميـا بخيلـه ياما فعلنا الطيب في نـاسً رخـوم ماتقدر الوقفات لـو هـي جزيلـه عفناه من وقتً تسيّـد بـه البـوم الله واكبـر يـازمـان الفشيـلـه اليوم بوش العلج سيّـد ومخـدوم تركع لـه الحكـام تمسـح نعيلـه هذا الصحيح وباقي الهرج ملطـوم والكـل يشهـد يازمـان الرذيلـه بغداد راحت واطبق اليـوم جاثـوم والنار تسّري والوضع عزتـي لـه والقدس تنخى والعرب مابها عزوم رمز العـرب قـدّام عينـي ذليلـه واشوف كابل غيّر الوجه ورسـوم عقب الاسد سـادة وجيـهً عميلـه وهذي (قروزني) دارها اليوم مهدوم سطى عليها الـدب والويـل ويلـه انا الذي ناديت والصـوت مكتـوم والعز دربه شـوك ياصعـب نيلـه مرحوم ياللّي فجر النّفـس مرحـوم اختار موت العـز واشفـى غليلـه أدمى عداه وقال لاربحـت الـروم عزالله أن المـوت أسعـد وسيلـه أما اعيش بعز والـراس محشـوم أو هي شهـادة والجنـان الظليلـه سلّم عليه الحر ما عـاش مظيـوم حـر تعلّـى فـوق راس الطويلـه سلّم على سيد الرجاجيـل شغمـوم اللي غزا الشيطان والخيـل خيلـه يالايمـي كـفّ المشاريـه واللّـوم طب الجـروح الغايـره مستحيلـه اسمع ونين الجرح والجسم محموم مما جرى نفسـي تـردّت عليلـه والدم ثار وثـاري اليـوم مـردوم حكم القوي والذيب نسمـع عويلـه ماعدت في حب الغناديـر مهيـوم ولا عاد فينـي للغضـي أي ميلـه شفّي على الرشاش لاصار ملقـوم ثـلاث وثلاثيـن طلّقـه صليـلـه نغزي على شارون ونرثع بشالـوم ناطى على غاربـه ونقـص ذيلـه متى على الله نشفي الصدر يادحوم أليا متى والقـدس عينـه هميلـه نذر على رقبتي وانا فيـه ملـزوم لشفي غليل الصدر واروي صميلـه بدعيك يارحمـن ياخيـر مزهـوم يامنجي موسـى و ناصـر خليلـه ثبّت فؤادي لاغدى الموت محسـوم وافتح لي ابـواب الجنـان العليلـه وختامها صلّـوا عـدد زخّ الغيـوم على رسـول الّلـه راع الوسيلـه شعر محمد الضويحي
|
|
#2
2010-03-12, 10:08 PM
|
|||
|
|||
|
هلابك والله ذوق راقي حيل من شاعر ولا أحلى تسلم على النقل الطيب
|
|
|
|
العرض المتطور
