5×1 ... وين القاه

[ابو منقاش]

مساكم الله بالخير اخواني الاعزاء
شفت مع واحد من الكشاته مجموعة اكياس عددها خمسة اكياس قماش تنزاني ومخيوطة مع بعض الاوسط كبير للسكر واللي جنبه للشاهي والجهة الثانية اللاوسط للقهوه والصغير للهيل
بصراحه اعجبني مره وسألته وش هذا قال يسمونه 5×1 لكن استحيت انشده وين يباع فيه
اليوم جيت للرياض ودورت في الغرابي مالقيته ورحت مخرج 15 ودورت مالقيت
الله يجزاكم خير علموني وين يباع فيه لاني بكره باقي في الرياض الين المغرب وبعد المغرب برجع للقويعيه

مشكورين

[التميمي]

مساء الخير اخوي ابو منقاش هذا ما يجي جاهز انت تفصله وانت واقف الاقمشه بعض المحلات تلقاها جاهزه عندهم لكن لا تكبرهن علشان ما تثقل عليك مر محلات الخيام في الغرابي واقرب محل يخيطها لك ربع ساعه وهي خالصه هي زينه شينه لانها بلاستيك والهيل والقهوه والمسمار يتغير طعمها في البلاستيك وزينه بعد تسوي شنطه ثانيه للرز والملح والليمون والدارسين والبهارات وترتاح ما يضيع عليك شي وسلامتك وشف فيه محل انا مفصل عنده نفس الطريقه وهو فصل كم حبه وعرضها مدري عنده والا خلصت شف اذا جيتا شارع الغرابي من فوق من اوله خله على يمينك وابتل كنت تبي تطلع على شارع البطحاء قبل ما تاصل الشارع لف يسار فيه سكه رابع محل او خامس محل اسمه القحطاني المحل جاي على زاويه تلقاها ان شاء الله عنده معلقه وسلامتك .

[ابو منقاش]

هلا اخوي التميمي

الله يجزاك خير ويرحم والديك رحت الصبح للغرابي وتعبت الين لقيت القحطاني البنقال ما يعلمون لكن في الاخير لقيته وسويت مجموعتين وحده لي والثانية لابن خالتي A7mad والله ما قصرت يالغالي

على فكره فصلت ثنتين القماش كوري الجميع بسبعين ريال يعني الوحده ب 35 ريال
وخذو رقم التليفون للي مثلي ما يعرف في الرياض:
محلات القحطاني الرياض الغرابي ت 4069276 جوال اشفاق مدير المحل 0503238065

جزاكم الله خير وما قصرتو

[سلوم]

ما شاء الله

اخوي ابو منقاش ترانا نبي مثلهن ليتك قلت لراعي المحل يفصل كموحدة علشان اذا جيت له القاهن زاهبات

[حسن نوكيا]

هذي تلقاه عند السنيدي ببريدة وبرق الحيابالرياض 0مخرج15شرقا بعد اول اشارة يسار مقابل الحسيني للخزانات

[ابو ياسر]

هالمحلات اللي تقول غاليييييييييين
الغرابي على 20 ريال للوحده

[عزيز]

انا اشهد هج من هالمحلات
رح لهم وتفرج وخذ افكار ورح للغرابي وفصل

[ولد الحصون]

صدقت انت خذ الفكرة وفصلها في الغرابي ارخص لك بكثير

[مدرس]

اتركو عنكم الحلات المشهوره تراهم غالييييييييييييييييييييييييييييين