ذهبيت لدبي قبل كم يوم وليتني لم اذهب

[يوكن]

زرت الامارات قبل يومين وكان هدفي الذهاب الى صلاله لاكن مالله كتب قلت في نفسي بما اني جيت هنا ومشيت كل هالمسافه ابسكن يومين ابرتاح من السفر وان لقيت شي رخيص بشتريه ولكني ندمت اني رحت رسوم ارهقتني تخيلوا ادفع في اليوم حوالي 100 ريال رسوم للفندق والمطعم والسوق

اروح للسوق مواقف برسوم المطعم,, المواقف برسوم وليتك تجد تتنظر بالساعات حتى يطلع واحد تصف مكانه
.الفندق اللي سكنت فيه مافيه مواقف تابعه له .بحثت عن فنادق وكنت اسئل عن الموقف قبل الغرفه لاكن ماحصلت اغلبها مافيه موقف واظطر قبل انام اني ادفع في المكينه حقت المواقف مالا يقل عن 8 ساعات احتياط لاتروح علينا نومه واظطر لندفع غرامه 200 درهم ..بالنسبه للاسعار غاليه وكل اللي موجود من ملابس والاكسسوارات والاحديه والاجهزه موجود عندنا واسعارنا افضل منهم بكثير ,,الملاحظ انتشار الافارقه بشكل ملفت للنظر
فنصيحه لوجه الله اللي ماله شغل ضروري لايروح هناك لانه بيرجع من ثاني يوم والله احنا بنعمه في السعوديه

[الساري]

الله يجزاك خير على النصيحة النابعة من تجربة
الف شكر اخي

[يوكن]

المشاركة الأصلية كتبت بواسطة الساري

الله يجزاك خير على النصيحة النابعة من تجربة
الف شكر اخي

تشرفت بمرورك الكريم مشرفنا الغالي

[ساروتى]

والله من زمان وانا اقول ما ترتاح الا في بتك لو لفيت العالم والحمد لله علي العافيه والله يا اخواني احنا في نعمه والدليل اخرج من بلدك وشوف

[حنين الشوق]

كلام صحيح دبي صارت نار في الاسعار وليش التعب وكل شئ موجود عندنا وشكرا لك اخوي على الموضوع

[قوي العزوم]

اخي الكريم

كلامك عين العقل والصواب

الله يديم علينا الامن والامان في بلادنا الطيبه

مشكور اخي على هذه النصيحه




قوي الــــــــــــــعزووووووم

[@ أبو راشد @]

مشكور على النصيحة


بس لو انك رايح للشارقة افضل بكثيييييييييييير على الاقل هي اكثر مدن الامارات دينا وتبعد عن دبي نصف ساعة

[يوكن]

المشاركة الأصلية كتبت بواسطة @ أبو راشد @

مشكور على النصيحة


بس لو انك رايح للشارقة افضل بكثيييييييييييير على الاقل هي اكثر مدن الامارات دينا وتبعد عن دبي نصف ساعة

اخي الكريم الشارقه نفس الشي من ناحية المواقف والاستغلال ..والفندق اللي سكنت فيه بدبي يمنع تناول الخمور ولا يسمح بها

[ولد عنيزة]

والله انك صادق لو تعطس اخذوا منك فلوس وغاليه وياليت غاليه على سنع والله على غير سنع بس لو انك رايح لشارقه او المدن الي جمبه كان تلقاها ارخص واحسن بس شف تبي الصراحه دبي هي دبي مدينه عالميه وعلشان كذا غاليه شكرا لططرحك الموضوع

[هاوي السيل]

الله يعطيك العافيه ويجزاك خير على النصيحه ..