وينك...!

[حـاتـم]

السلام عليكم


أخواني الاعضاء الكرام

في إجازه العيد الكل يدور له مكان يروح له


فيه منا من راح البر وفيه من سافر

لاي منطقه


اتمنى من الجميع ان يخبرونا اين ذهبوا في ايام العيد اي كان المكان

او حتى فالرياض

ومن لديه صور لايبخل علينا



وشكرا

أخوكم / حاتم

___________________________

وينك

[حـاتـم]

السلام عليكم



اما انا


رحنا انا وكم وحد من الربع للبر

والله الدهناء ماقدر عنها لي 4 سنوات وانا كل عيد فطر فيها

بس الظاهر السنه الجايه مافيها روحه لان الجو الظهر حر جدا والسنه اجايه ازود حر

اما باقي الاوقات كانت قمه المتعه

وذهبت انا وكم واحد من الربع

الاول انا طبعا



ورحت بموتري الجديد الباترول


والثاني واحد من الربع راعي الـGX



والثالث الباترول الاحمر



والرابع هدد النيسان (( على قوله راعيه ))




وكان معنا زود ددسن دبل وربع نيسان قديم

وهذا مكان الجلسه في نقره في عرق الحمراني



زاويه اخرى




جلستنا



وبعدها ضبطنا الغداء على السريع والطباخ واحد من الاخوان الله يعطيه العافيه

وانا المساعد بس نأخذ خبره علشان مانتفشل مع البراري هههههههههههههههه




وهاذي الخيمه حقت السياره _ وش رأيكم فيها



وهاذي شبه الضو فالليل على بياله الشاهي والبراد (( والله تسوى العنيه ))






يتبع

[حـاتـم]

وطبعا طحنا لنا في فيضه وهاذي صورتها



ههههههههههههههههههههههههههههههههه
ههههههههههههههههههههههههههه
ههههههههههههههههههه

لا طبعا امزح معكم بس من كثر شوقي للربيع قلت لازم انزل هالصوره ونشوقكم شوي



نرجع للطلعتنا

طبعا انا كل طلعه

لازم اطق كم صوره واستقعد

لاني احب الجيوب عامه والسفاري خاصه



موتري وهدد النيسان






والطلعه كانت ثاني العيد والرجوع كان ثالث العيد لان الحر في الظهر مايخليك لاتنوم ولاتطبخ ولا شي

نمنا ليله وحده ورجعنا صبحيه الخميس



وشكرا

أخوكم / حاتم

[سلوم]

انا كل الثلاث ايام الاوله كنت في حفل تمير للعيد

وامس الخميس كنت مع الشباب في رحلة المعايدة

وللي يبي يشوف المزيد عن الرحلة يروح للموضوع

[مرزوق]

ابد ما طلعت ولا شبر من عزايم لعزايم

ولكن ناعدكم الخميس القادم بطلعه

[الاسمر]

اخوي حاتم
شكلي مار من عندكم وكنت اسأل عن ربعي ولزم علي واحد منكم لكن الليل عيونه ضواق وما شفت سيارتك

كنت وقتها اتمنى عندي اتصال لكن الاتصالات وما تسوي

[الجنوبي 2000]

مشكور اخوي وانشاء الله تشوفونها في موضوع مستقل لكثرتها

[حـاتـم]

شكرا اخواني


اخوي الاسمر

والله لليله الخميس كنت نايم من عقب العشاء الى آخر الليل

لاني كنت مواصل

لكن مادري اذا كنت انت جيت ولا لا


ومشكور

اخوي الجنوبي

شكرا لمشاركتك


أخوك / حاتم

[نجم الثريا]

انا كنت بحفل معايدة البراري
افطرنا الخميس بالنفود وبعدين تغدينا في شعيب الطيري وفي الليل بصياهد الطيري

[حـاتـم]

اخوي نجم الثريا

والله كان ودي الحظور

لكن مادريت الا بعد مارجعت

وشكرا لك

أخوك / حاتم