جيتك يبوفيصل أدور هبة الريح

[عاشق الجبل]

السلام عليكم ورحمة الله وبركاته


أبوفيصل صديق وأخ عزيز جدآ . . . سبق أن قنصت معه عدة مقانيص داخل وخارج المملكة

وله معزة في القلب لايعلمها إلا الله .

وكما تعلمون أن الأرواح جنود مجندة ماتعارف منها ائتلف وما تنافر منها اختلف ، حيث كان

من المجموعة أخ لايعرف متى وأين وقت المزاح ووقت الجد .

حاولت معه مرارآ وتكرارآ أن ينضبط ويحترم المجالس ويكون ثقيـل اذا كان فيه أجناب . . ولكن

لاحياة لمن تنادي . . . وبعد أن سبب لي أحراج 3 مرات قررت ترك هذا الشخص نهائيآ .

مرت الأيام فأتصل علي الأخ : أبوفيصل يعزمني على العشاء فسألته :


هل فلان يبي يحضر على العشاء


قال أبوفيصل : نعم


قلت : لأجل عيـن تكرم مدينة . . . وجيت للعشاء وبعد أن سريت قلت هذه القصيدة :








جيتك يبوفيصل أدور هبة الريــــح

في بيتك البارح ونفســـي جريحة

* * *

جيتك معزه مانويت المفاطيــــــــح

ولا نيـب لحاق ٍ للعشـــاء والذبيحة

* * *

رايتك بيضاء ماحصل منك تجريــح

لكن بــــلاك اللـــي جحد للنــصيحة

* * *

لوكل عاقل يمنـح وسـام ٍ وتصريــح

كان خسروا آهـل العقول الشـحيحة

* * *

مالي بشخص ٍ دايــــــم يقوم ويطيح

الـنفس تــكره اللي كثيــــر ٍ مطيـحه

* * *

إن ماحصل لشيخ المطافيق تصحيح

يـصبر على لــوم الرجـال الفصيـحة

* * *

لاهوب كفو ٍ للثنــاء والتـماديــــــــح

ولاهو مـن آهـــل العـقــول الرجيحة

* * *

يـــالله يللي تــغـفر الذنب وتبـيــــــح

تغفر ذنــــوب اللي جرحني وتـبـيحه


__________________

[الصلبوخي]

وعليكم السلام ورحمة الله وبركاته

جيتك يبوفيصل أدور هبة الريــــح

في بيتك البارح ونفســـي جريحة

* * *

جيتك معزه مانويت المفاطيــــــــح

ولا نيـب لحاق ٍ للعشـــاء والذبيحة

* * *

رايتك بيضاء ماحصل منك تجريــح

لكن بــــلاك اللـــي جحد للنــصيحة

* * *

لوكل عاقل يمنـح وسـام ٍ وتصريــح

كان خسروا آهـل العقول الشـحيحة

* * *

مالي بشخص ٍ دايــــــم يقوم ويطيح

الـنفس تــكره اللي كثيــــر ٍ مطيـحه

* * *

إن ماحصل لشيخ المطافيق تصحيح

يـصبر على لــوم الرجـال الفصيـحة

* * *

لاهوب كفو ٍ للثنــاء والتـماديــــــــح

ولاهو مـن آهـــل العـقــول الرجيحة

* * *

يـــالله يللي تــغـفر الذنب وتبـيــــــح

تغفر ذنــــوب اللي جرحني وتـبـيحه

الله الله يابو منصور رائعة هذه القصيدة

وصح لسانك اخي الكريم وعلا شانك


وجزاك الله كل خير

[هيثم المحيلان]

صح لسانك يالذيب

مشاء الله عليك


قصيده ممتازه

سلام

[عبدالهادي المفرج التميمي]

انت اللي قاااايلها ؟؟؟

عز الله انك شاعر ولد شعاااااااااااااار

ولي طلب على الخاص اذا سمحت

مشكوووووووووووووور





سلام

[ابن حسين]

صح لسانك
مصيبة الواحد مايعرف متى يتكلم ومتى يسكت
هذا والله المر

[معدي المرقاب]

جيتك يبوفيصل أدور هبة الريــــح (جيتك يبوفيصل على هبت الريح)

في بيتك البارح ونفســـي جريحة

* * *

جيتك معزه مانويت المفاطيــــــــح

ولا نيـب لحاق ٍ للعشـــاء والذبيحة (ولانيب لحاق العشاء والذبيحه)

* * *

رايتك بيضاء ماحصل منك تجريــح

لكن بــــلاك اللـــي جحد للنــصيحة

* * *

لوكل عاقل يمنـح وسـام ٍ وتصريــح (لوكل عاقل يمنح وسام تصريح)

كان خسروا آهـل العقول الشـحيحة

* * *

مالي بشخص ٍ دايــــــم يقوم ويطيح

الـنفس تــكره اللي كثيــــر ٍ مطيـحه (النفس تكره من يكثر مطيحه)

* * *

إن ماحصل لشيخ المطافيق تصحيح

يـصبر على لــوم الرجـال الفصيـحة

* * *

لاهوب كفو ٍ للثنــاء والتـماديــــــــح

ولاهو مـن آهـــل العـقــول الرجيحة (ولاهوب من هل العقول الرجيحه)

* * *

يـــالله يللي تــغـفر الذنب وتبـيــــــح

تغفر ذنــــوب اللي جرحني وتـبـيحه (تغفر ذنوبه ياعظيم وتبيحه)






اخوي عاشق الجبل صح لسانك مليون


ارجوا ان تتقبل نقد اخوك معدي المرقاب بصدر رحب قصيدتك جميله جدا وينقصها بعض الوزن طبعا هذا في رأيي الشخصي وإذا تحب تتأكد خل احد الاخوان يقوم بأنشادها وسوف ترى اختلاف الوزن 0
طبعا انا وضحت الابيات التي تحتاج وزن0

مشكوووووووووووور

[عاشق الجبل]

صح بدنك أخوي " الصلبوخي





الأخ : القصيم-الرس . . . صح بدنك وماعليك زود




الأخ : هادي . . . هذه من بعض قصائدي . . . والمنقول أكتب تحته منقول والمقصود بأبوفيصل

هو العضو ( راعي نوشه ) بمنتديات القناصة ) . . . وهناك من الشعار من يفوقني بكثير


وطلبت أعتبره وصل وأنا أخوك







صدقت أخوي ابن حسين . . . وعسى الله يعين



الأخ : معدي المرقاب


بيض الله وجهك . . . وما أستغني عن لمساتك الشعرية . . . ولدي قصائد يمكنك الإطلاع عليها لاحقآ


على فكرة أخوي ( معدي ) نريد شي من قصائدك

[الجارالله]

مشاركة متميزة ربي يعافيك على هذا الموضوع

اخوك الجارالله

[بوخليل]

صح لسانك على اختيارك لهذه القصيدة

شكرا لك

[أبو ثابت]

تسلم أخوي على القصيدة اللي تحمل من المعاني الكثير من الإبداع .. .. وبالنسبة لأخوي معدي .. عندي سؤال ؟؟

هل طريقة الانشاد وحدها مجدية في معرفة وزن القصيدة أم لابد من تطبيق العروض ونسب القصيدة الى أحد البحور وتطبيقها عليه ..!!

ولكم جزيل الشكر ..