تنبيه خطير جدا للي عنده كميرا او لابتوب معه كميرا مهم جداا

[عبدالرحمن الزاهر]

بسم الله الرحمن الرحيم

السلام عليكم ورحمة الله وبركاته

منقول للحرص

يا خواني الشباب يا خواتي الشابات

نصيحة لكم من اعماق قلبي

تعرفون ان في الفتره هذه انتشرت اللابتوبات اللي فيها كاميرا
واي واحد شاري هالابتوب مبسوط فيه وراج راسنا بكاميرته
وماشي عند الناس فشخره لابتوبي فيه كاميرا

لكن اللي اغلبكم ما يعرفه انه انتشر برضو برنامج يشغل الكاميرا بالمسنجر او السكايبي وانت ما تدري
يعني راعي البرنامج يدخل عليك ويشوفك وانت تحسب كاميرتك طافيه

والادهى والامر انه حتى الشخص اللي انت ما سويت له قبول يقدر يشغل كاميرتك عن
طريق الرسالة الفورية <<< هذه ميزة بمسن بلس

واللي خلاني اكتب الموضوع هالسالفة

يوم الاثنين اللي فات كنت رايح لواحد من اخوياي
وهالولد انا افهم وش فيه من تعابير وجهة
وشفته مبين عليه الهم والغم والدنيا مو شايلته
سالته وش فيك ؟ :h32:

وقالي سمعت عن البرنامج اللي يشغل كاميرا النت

قلت له ايييييه وش بلاه

قال انا يوم السبت تارك ماسنجري مفتوح واللابتوب مشغل
ورحت اتروش ورجعت ابدل بغرفتي <<< يعني كان بدون ملابس
يقول شويه واسمع صوت المسنجر اللي يطلع لو احد كتب لك كلام
ولما دخلت الا واحد يقولي شخبارك ومن هالكلام وما امداه اخذ دقيقتين الا يقولي

بوريك شيك فيديو
خويي تحمس وجا يبي يطالع الا المسكين شاف نفسه وهو يبدل

يقول خويي الحمد لله ما اغمي علي ولما اخذ وعطى مع هالولد
الولد قاله اذا ما تبي المقطع ينتشر ادفع لي 1000 ريال شحن سوا ترسلها لي

طبعن خويي ما وافق لانه عارف ان الولد بيرجع له مرة وثنتين و3

الولد للاسف عمره 21 ومبين عليه ( طعس ) وعاطل ومو هامه احد

حتى لما خويي قالي اتق الله فيني قاله مو شغلي ولا تفتحلي مواضيع دين

المهم ان الولد مهدد انه ينتشر المقطع وخويي من امس وهو مصدوم وحالته حاله وخايف

والسبب كله كاميرا اللابتوت اللي حنا فرحانين فيها

عشان كذا نصيحة مني لكم شوفو لها حل
غطوها بورقه او كسروها وجيبو وحده خارجية او حطو عليها علك <<< الاخيرة فكرة هنود ما تلاحظون

حبيت انبهكم وبس والباقي عليكم


الله يستر على خويي يارب
الله يعدم جهاز الولد راعي البرنامج والله يهديه او ياخذ روحه ويفك الناس من شره
قولو امييييييييين
منقول من الايميل

:h32::h32::h32::h32:

[أميرة الكشته]

الله يهديه ويستر على خويك
والله يستر علينا وعلى بنات المسلين
>المصيبه اذا كانت بنت <
والله صارت علينا وبال هالتكنولوجيا

[ذيب الأرياف]

في هذا الزمن كل شي يصير

الله يحمينااا

[عبدالرحمن الزاهر]

اميرة الكشته

ذيب الارياف


الله يعطيكم العافية على المشاركة

والله يهدي ضال المسلمين

[kam_al014]

لا حول ولا قوة إلا بالله
ليس لديهم درة من الامان
ومشكووووووووووووور أخي على موضوع وتنبه

[خالد الشمري]

مشكور اخوي

[عبدالرحمن الزاهر]

المشاركة الأصلية كتبت بواسطة kam_al014

لا حول ولا قوة إلا بالله

ليس لديهم درة من الامان

ومشكووووووووووووور أخي على موضوع وتنبه

هلا اخوي

الله يعطيك العافية على المرور

:0007:

[عبدالرحمن الزاهر]

المشاركة الأصلية كتبت بواسطة مراسل حائل

مشكور اخوي

العفو اخي الكريم

[مهب الهيف]

يعطيك العافيه اخوي عبد الرحمن على التنبيه والمثل يقول أن لم تستحي فصنع ماشئت فيجب الحذر من هؤلاء المتطفلين الذين قل الأيمان في قلوبهم

[ابونواف التميمي]

الله يعطيك العافية اخي عبدالرحمن على التنبيه

والله يستر على اعراض المسلمين

تحيتي لكـ