منقل للشوي

[الروضة]

السلام عليكم ورحمة الله وبركاته


أخواني نزولاً عند رغبة المشرف العام حفظه الله بوضع مالدي من أفكار في هذا المنتدى قمت بوضع هذه ( وليس بخل مني أوغرور ) لاوالله وإنما يغلب على ضني أن الغالب من الأخوان قد أطلع عليها وشاهدها

وأنا أضعها هنا لعل البعض قد يكون ماسبق وأن شاهدها
وهذه الطريقة هي عبارة عن منقل متنقل لا يأخذ مكان بعد الإنتهاء منه أشبه بالذراية للدافور
والمطلوب عدد 6 صاج أبيض حسب الحجم اللي تبي أنا مسوي 40في 13سم ثم أحضر فصالات حديد وفصالة واحدة من النوع الذي ينفصل كماهو في الصورة بحيث إذا انتهيت أفصل الأطراف وسكرها
أرجو أن تكون أوضح في الصور

[عبدالهادي المفرج التميمي]

هلا وغلا

اخووووووي انا اول مرة اشووووووووف هالمنقد

تراني زينت لك صورة ما طلعت >>>>> بدى يمن عليك

طيب ورى ما تزين له صاجه اذا تبيها غطا صارت غطا له واذا تبيها قاعدة صارت قاعدة

ادرسها وشف

مشكووووووووووور




سلام

[ابو فرح]

فكرة رائعه بس لو كان له اسفل اسنان صغيرة يكون اسلم انه ما يتحرك لما تضغطه على الارض


يعطيك العافيه

[منصور المناع]

فكرة رائعه أخوي الروضة وأول مرة أشوفها

الحقيقه أنها ممتازة ومتأخذ مكان في العزبه

والله من الحوسه في عزبنا تقول عفش مطلقه <<<<<<عفش مطلقه : يطلق على العفش المتناثر والغير مرتب

الي يشوفنا يقول يبي يقعدون شهر في البر

الله يجزاك خير يبو الأفكار والإختراعات

[ولد نجد]

مشاء الله فكره جدا رائعة واول مره اشوفها

وملاحظاتي لتطويرها اكثر ويمكن اكون تايه بس بقولها
1- فتح مكان لحجم الاسياخ مع الجهتين حتى لا تنزل على الاخرى خاصة إذا كان مدوره
2- رفعها عن الارض بزوايا حتى يدخل الهواء و لايموت الجمر

والف شكر على افكارك الرائعة

[عاشق الطير]

وعليكم السلام ورحمة الله وبركاته

فكرة بطرانه وسهله ولا تاخذ مكان بالعزبه تسلم لنا يا اخي الروضة

اخوك عاشق الطير

[الروضة]

السلام عليكم ورحمة الله وبركاته
الأخ هادي
حياك الله وتمون وزيادة أنا صراحة أستغربت الصورة ماطلعت لكن جبتها طال عمرك
وبخصوص الصاجة ليش ؟
إذا تقصد على شان الجمر أنا أستعملها في البر فقط وإذا تقصد على مسطح أخضر مثلاً أعتقد ماتصلح يحترق العشب من حرارة الصاجة
وبعدين نحاول تكون العزبة صغيرة بقدر الإمكان . وكل عمل قابل للزيادة ومشكور على الملاحظة
ومرة أخرى اشكرك على مرورك

الأخ أبو فرح
حياك الله صدقني مايتحرك وبعدين أنت تحرك الشواية فقط وهو ثابت
الأخ اتيكا
أشكرك على مرورك وتعليقك مع العلم ان أهل تمير هم أهل البر وشلون يكون عزبة مطلقه

الأخ بدوي فاهم
حياك الله وتدخل ولايهمك أحد وكلامك صحيح والبعض أقترح تكون فتحات في نفس الصاج على شان الهواء
لكن أهل الخبرة في الشوي ايدوهذه بحيث الحرارة تطلع إلى أعلى ويستوي بسرعة
وبالنسبة للأسياخ أسعمل المبسط حتى نفس اللحم مايدور في السيخ
الأخ عاشق الطير
حياك الله وهذه الساعة المباركة اللي تعجبك ومشكور على مرورك

[nahham]

ماشاء الله تبارك الله

تسلم ايدك ابو عبدالعزيز

لكن مشكلتي ما امدح شيء الا بعد التجربه

هههههههههههههههههههههههههههههههه

[هاوي بر]

ما شاء الله عليكم شغل مرتب

صراحه فكره ممتازه بس غرييييبه علي

[ملقاط]

مشاء الله عليك ابو عبدالعزيز

إختراع رائع ومفيد وجميل ولاياخذ مكان في العزبه

بس لو كان مشرف ( 88888 ) يكون افضل من اجل دخول الهواء مع الفتحات

الله يجزاك خير عل كل حال

والتجربه خير برهان