خبير الطقس والمؤرخ الارشيفي وعضواللجنه الاستشارية((برق السناف)) ضيف كرسي الاعتراف..

[المثلث الذهبي]

صبحك الله بالخير يا أبوعبدالله (محبوب الجميع بالبراري والمدن والقرى والهجر) ونشهد الله على حبك ومعزتك.
ونستسمحك على هذا الأسم لأنه حق من حقوقك اعتدينا عليه وكانك تبغاه تراه فداك (تراي عاد أمزح)
ما قصروا الاخوان مستلمينك ماخلو لنا شيء من الأسئله .
ولاكن عندي سؤالين .
السؤال الأول ماهي أفضل المناطق عند ابوعبدالله في وقت الامطار يعني لو كان فيه بنفس اليوم سيول وشعبان من الجال الى الجال على مناطق الدوادمي ونفي وعلى حايل وجنوبه وعلينا في غرب القصيم أو اي منطقه ثانية على وين يبي يدق سلف الباترول ابو عبد الله ؟
السؤال الثاني عند مطاردة الامطار هل الأفضل عندك تذهب على سيارتك أوتخاوي أحد من اخوياك؟ ولماذا؟
السؤال الثالث وعساه ما يقع للك ولا أحد من متابعي الامطار لو فرضنا انك طلعت في يوم من الايام من المدرسه وجتك اتصالات تقول ان الخيال الان مقبل على سناف اللحم يسحب ربانه مع الأرض ورعوده تطحن طحن يعني تجزم جزم ان سيله على روس الحزوم (ماهو شعورك الان) وقررت تمشي له ودقيت سلف لاكنك تفاجأت ان الموتر عطلان ويبغا له وقت طويل على شان تصليحه وربعك وخوياك كلهم بالسناف ماهو العمل اللذي سوف تقوم به؟ وهل سبق ان حصل للك مثل هذا الموقف؟

[صالح الربيعان]

المشاركة الأصلية كتبت بواسطة المثلث الذهبي

صبحك الله بالخير يا أبوعبدالله (محبوب الجميع بالبراري والمدن والقرى والهجر) ونشهد الله على حبك ومعزتك.

ونستسمحك على هذا الأسم لأنه حق من حقوقك اعتدينا عليه وكانك تبغاه تراه فداك (تراي عاد أمزح)
ما قصروا الاخوان مستلمينك ماخلو لنا شيء من الأسئله .
ولاكن عندي سؤالين .
السؤال الأول ماهي أفضل المناطق عند ابوعبدالله في وقت الامطار يعني لو كان فيه بنفس اليوم سيول وشعبان من الجال الى الجال على مناطق الدوادمي ونفي وعلى حايل وجنوبه وعلينا في غرب القصيم أو اي منطقه ثانية على وين يبي يدق سلف الباترول ابو عبد الله ؟
السؤال الثاني عند مطاردة الامطار هل الأفضل عندك تذهب على سيارتك أوتخاوي أحد من اخوياك؟ ولماذا؟

السؤال الثالث وعساه ما يقع للك ولا أحد من متابعي الامطار لو فرضنا انك طلعت في يوم من الايام من المدرسه وجتك اتصالات تقول ان الخيال الان مقبل على سناف اللحم يسحب ربانه مع الأرض ورعوده تطحن طحن يعني تجزم جزم ان سيله على روس الحزوم (ماهو شعورك الان) وقررت تمشي له ودقيت سلف لاكنك تفاجأت ان الموتر عطلان ويبغا له وقت طويل على شان تصليحه وربعك وخوياك كلهم بالسناف ماهو العمل اللذي سوف تقوم به؟ وهل سبق ان حصل للك مثل هذا الموقف؟

ياهلا وغلا بأبي عبدالرحمن وهاذي الساعة المباركة اللي نشوف مشاركاتك ولي الشرف أن تكون أول مشاركاتك معنا في هذا الكرسي اللي تورطنا فيه والمشكلة إنه كرسي خشب ونصفه مسامير وكل ما تحركت مع جهة إنغزن مسمار لكن ما أقول إلا ياسعدك ياخالد العوض مدلعينك وحاطين لك كرسي معاريس ناعم وفخم لكن على قدر أهل العزم تأتي العزائم



السؤال الأول:وما الحب إلا للحبيب الأول فطبيعي إني سوف اتجه لمنطقة سناف اللحم او منطقة الغيمار او منطقة سميرا أو منطقة قطن أو مناطق جنوب غرب حايل ومن غير قصور بالمناطق الأخرى الجميلة والرائعة

السؤال الثاني:كلها زينة اهم شئ إنك تلاقي خوي يتحمس معك ويفرح لفرحك ويكون عنده معرفة بالسحاب ويكون على كيفك وأنت على كيفه حتى يتم مطاردة السحاب بكل نجاح

السؤال الثالث : طبعا حصل مثل هالمواقف لكن وش نسوي لا زم نتصرف 00 أذكر مرة يوم زان الخيال وأردت الخروج من البيت وإذا بالكهرب طافي ولم أستطع فتح كراج السيارة يدويا وضاعت علي السحابة 00 ومرة شفت الخيال تكون بسرعة وركبت السيارة وأنا عجل وريوست بسرعة وكراج السيارة لم ينفتح كاملا فصدمت الباب وتوقف عن الإنفتاح فلم أستطع الخروج وخرب الباب فخسرت السحابة وخسرت قيمة إصلاح الباب وهناك مواقف كثيرة ومرة مامعي بنزين وأنا مستعجل للسحابة ويوم جيت المحطة وأثر الوقود مخلص من المحطة وانحاست النفسية ومرة يوم طلعت من البيت وأنا مستعجل كي ألحق السحابة وإذا بضيف يقف عند الباب فسلمت عليه وعرضت عليه القهوة [ كمجاملة ] فوافق على طول وأخذته علقه وفات علي كل شئ