تدري وش يذبح القلب ياقلب

[Al-KHUSHAIBY]

السلام عليكم ورحمة الله
ابيات تفاعلت معها لكنها لاتصور حالي والحمدلله بس ممكن تجي على الجرح لاحدهم أتمنى تكون بالمستوى :
ياقلب جيتك وافهـم العلـم ياقلـب
اللي تحبه يموت في حب غيـرك !!
.:.



كم قلتلك ياقلب خلـه علـى جنـب
يمكن مصيره يستوي مـع مصيـرك
.:.



الدرب واضح بس لا تجهل الـدرب
اللـي يحبـك دايــمٍ يستشـيـرك



.:.



ماهو مثل صاحبك عايش على الكذب
وان ماكذب يمـوت الله يجيـرك !!



.:.
تبي الصراحه مالك ومـال هالقـرب ياقلب
ماهو كفو شرواه يصبـح عشيـرك



.:.
انا ادري انه تـرف وصغيـر وذرب
لا كن مصيره يختلف عن مصيـرك



.:.
لا تحسبـن السالفـه كلهـا لعـب
اصحى معي من شان يصحى ضميرك



.:.
اللي تحبـه صعبـه شـوي ينحـب
قلـه يـروح وكثـر الله خـيـرك



.:.
تدري وش اللي يذبح القلب ياقلـب
انك تحب انسان ويحـب غيـرك..
(منقوله أن شاء الله تعجب الجميع)

[الذعذاع]

صح لسانك ولسان من قالها يالخشيبي وبعدين ليه تفاعلت معها هههههههههههه
بس اللي انت ناقلها منه مزود في بعض الابيات (ثلاث أشطر من القصيده مكسوره)
لكن رايتك بيضا
يعافيك ربي يا راشد على الاختيار الذووووووق
بارك الله فيك

[ام العنود]

صح لسـان قايلها
-----
تبي الصراحه مالك ومـال هالقـرب
ماهو كفو شرواه يصبـح عشيـرك
^
اعجبني البيت هذا

سلمت الاياادي على التميز في الاختيار

لاعدمنااك أخي الخشيبي

لك مني كل التقدير ودمت بخيررررررر

[غزاله]

[الركام]

مشكور على الاختيار والنقل

[Al-KHUSHAIBY]

منورين الصفحه يعطيكم العافيه

[كمال البدور]

[frame="11 70"]تدري وش اللي يذبح القلب ياقلـب
انك تحب انسان ويحـب غيـرك..

كلها الابيات جميله جدا" ، ولكن هذا البيت اعجبني اكثر
ما ادري ليش ، بجوز اني واقع في معناه[/frame]

[Al-KHUSHAIBY]

منور الصفحه أخوي كمال

[راعي نجد]

انا ادري انه تـرف وصغيـر وذرب
لا كن مصيره يختلف عن مصيـرك

هااااااذا سبب المشكلة والله انها قصيدة جميلة وممتعه سلمت يالغالي.