متابعة الطقس من 10-13 / 5 / 1431 هـ الموافق من 24-27/ 4/ 2010 م

[مزن المجمعه]

المشاركة الأصلية كتبت بواسطة خالد العوض

اخي عبد الله العيدي
لابد من استجابة الادارة لمطالب الاعضاء
والزوار
وهم اساس المنتدى والذي وجد المنتدى من اجلهم
فالانقطاعات المتكرره وصعوبة التحكم في لوحة
[COLOR=#800080]التحكم[/
COLOR]
قد تؤثر في مسيرة المنتدى

مساكم الله بالخير يابومحمد ويابوبدر

مهب بتأثر الا اثرت للاسف مواقع اقل من البراري قيمه ومكانه وخبره اصبحت الان مرتعا للاعضاء والبراري الصباح ادخل انا ولحالي بس مابه احد ولا ينعدون باقي الاوقات على الاصابع

هاه يابو بدر بشرني عن حريملاء والمجمعه بس الله يستر شكل فيه واحد متسبب في هالديرتين استفغر الله ويتردد بينهن وكل ماطبهن اصحن ولا راح المطر والسحاب عنهن

حنا في المجمعه اعوذ بالله ينشئ ويتزبر ثم يهف شمال للارطاويه او يجنب لجلاجل ولاحول ولا قوة الابربي بس الله يرحمنا والحمد لله على كل حال من عقب السيل بهالديرتين اكثر صار اقل الم يكن شبه معدوم
لكن الحمد لله على كل حال راضين بالللي الله سبحانه يجيبه تصدق شكيت في نفسي من الوسوسه صارت لااقبل السحاب اعشق واطلع من الديره كود الله يجيب السيل ههههههه

ولا اجلس اصلي استغفر الله خفت من حبي للمطر ومتابعني يكون فيها شئ الله يرحمنا وهالبهايم بس اللي مالها ذنب عطشت والمزارع قلبانها شبه جفت في المزرعه اول الغطاسات بالخمس ساعات والحين نص او ربع ونعمه لكن الحمد لله