عيونه تذبح الحي باسهمه***كما ذبح الاسهم لكبار الهوامير<<جديدتي

[عاشق القصيد]

طبعا هذه القصيدة لها قصة ولعلها تكون خاصة شوي واعتذر عن ذكرها

وطبيعي بما انها خاصة ففيها تفاصيل مغيرة ومعدله


أقول:

حبه العذري بقلبي نمى***واحتوى مني روح وعقل وتفكير
احبه وحبه بقلبي احشمه***وروحي من عيوني على عيونه تغير
حبي له والله ما حدن يعلمه***الا انا وواحد او اثنين بالكثير
انا عطشان وضامي له ضما*** والعجيب اني على جال ذالك البير
اريد وصله لو يوصل عنان السما***ولو يختفي عبر ذبذبات الاثير
لو ورى سور غاب واحتمى***خارجه مكتوب ترى جدا خطير
مثير ياحب بقلبي ارتمى***مثير يالعن ابو حيك مثير
يا خوي هذا الكلام مايفهمه***الا عاشق هايم لا وعاشق كبير
عيونه تذبح الحي باسهمه***كما ذبح الاسهم لكبار الهوامير
مابيه يا جعل عينه للعمى***وانا مابيه لو يصير ما يصير
قال لي مابيك و حكيي افهمه***وانت ما تناسبني انت انسان فقير
قلت انا حر و ما كل طير يوكل لحمه**عزيز وكلمتي بين ربعي كلمة امير
ما ابيك عفتك وانا مانيب رخمه***وبكره تجيني من ظيم التاجر تستجير
وختامها صلوا على مرسول السما***محمد المختار الهادي البشير

اللهم صلى على محمد وعلى اله وصحبه وسلم

وسلامتكم

[دافنشي]

حبي له والله ما حدن يعلمه***الا انا وواحد او اثنين بالكثير

ترى السر لو زاد عن اثنين ينتشر

اقول نصيحتي من باعك بعه لو كان غالي


ليونارد دافنشي

[عاشق القصيد]

حياك الله وانا قلت انا او اثنين بالكثير


ومشكور على مرورك

[صقر المجزل]

قصيدة جميلة وواضح التعديل فيها

شكرا على اختيارك وصح لسانك

[مخايل البروق]

الله يسلمك وصح لسانك اخوي على هذي الابيات الجميلة

الله يعافيك على الاختيار

[بن سليمان]

الله من واحد ذبحنه الاسهم

شكرا وصح لسانك

[عاشق القصيد]

صقر الجزل مشكور على مرورك بس مافهمتك

مخايل بروق صح بدنك ويعطيك العافيه

بن سليمان ياهلا والله وشكرن على مرورك

[ابو فرح]

هلا بعاشق القصيد

قصيدك جميل وخفيف وسهل

صح لسانك

[سلوم]

صح لسانك اخي عاشق القصيد

قصيدة جميلة ومعبرة

[عاشق القصيد]

ابو فرح مشكور على مرورك

سلوم صح بدنك