يا أهل الطائف وش عنكم من سكن ؟

[rhaal]

المشاركة الأصلية كتبت بواسطة الشقردي 12

والله يا الغالي أنصحك فيه منتجع وادي ذي غزال ( آل الشيخ ) ممتاز جدا ونظيف وأسعاره مناسبة وما يحتاج تطلع منه لأنه بحد ذاته رحلة لكونه مرتفع وتطلع على أماكن ممتازة

مثل ما قال أخوي الشقردي مجرب وشي طيب بالحيل
بمعنى إنك جب أغراضك مرررة وحده ما عاد تحتاج الطلعهـ أبد ولا تدور لك على محلات كشتهـ ولا زحمة ولا وساخهـ ناس للأسف
وخاصة إنه جامع الخصوصية والمكان مريح وهو عبارة عن مكشات
يعني كنك بشاليه وأسعارهـ تختلف على حسب عدد الغرف وكانه على خبري يبدن من 400 إلى 800 لكن للأسف رقمهـ ما حصلتهـ بحاول بأقرب فرصهـ أدبرهـ لك
طبعاً هذا إذا كنت رايح للكشتهـ ولا تبي الديرة أو المدينهـ لأن المكان بعيد عن الطايف حوالي 30كيلو
أما إن كنت من اللي يبون الزحمات ويبي يدخل المدينهـ وتمشي بأسواقها أو مطاعمها فهناك الكثير من الشقق المفروشة والفنادق
والفنادق المشهورة فندق الأنتر كونتننتال بعد الحويهـ على اليمين وأنت متجهـ للطائف والمريديان بالهدا وجراند بهادر كذا بالهدا وبصراحهـ بهـ فندق جديد لكن لم أجربهـ وهو اللي تبع التلفريك وسألت ناس جربوهـ ومدحوهـ
أما الشقق المفروشة فالطائف مليان منها لكن للأسف غالبيتها ليس على مستوى راقي ونظيف إلا القليل منها