(¯`•._.•[(.... بقآيآ .. حرف .... )]•._.•´¯)

[بقآيآ .. حرف]

قم صح قلبي ماقدرت اقنع الليل
حتّى اصغر احلامي رضيت وخَسَرته
انا من البارح على الحط والشّيل
لين اقتنعت بهاجس ٍ ماسهرته

[بقآيآ .. حرف]

على صدري الضايق لا هب الهوى ذعذاع
تنهّت من صادق ماكنّيت في صدري
َ
لذيذ الكرى و الراحه اللي ماهي تنباع
ماعلمي بها علمٍ ولاهي على خبري

[بقآيآ .. حرف]

تعيش يا راسي جعل يفداك طبال الشيوخ
كبير بعيوني وراح تظل بعيوني كبير
اللي تخضعه المصالح لا يسولف بالشموخ
واللي تمشيه الأوامر لا يقول إنه أمير

[نسمة هدوء]

اتكالك بالولي .. واجتناب الموبقات
والتزامك في صلاتك ، وبر الوالدين ،
هذي الاربع تخلّي الامور المغلاقات
تنفتح . . ويجيك توفيق رب العالمين
️

[بقآيآ .. حرف]

ماكان قلبك مع العالم حمامة سلام
كان ابشع اشيائك الوهمية ... المفجعة !!

[بقآيآ .. حرف]

ماعاد يغري رغبتي شيء فالكون
جوارحي شامت وأنا مثلها شمت
.
شفّي ورى غيب المقابيل مرهون
وأنا مع الـصبر الـمـركّز تـأقلمت
.
حاتم الغنامي

[بقآيآ .. حرف]

عجْزت ايديني تطول الحلم لين
استوى واسودّ في غصنه وطاح
مو مهم ابكي واطيح مْن الف عين
المهم اني أحس بْـ إرتياح ....

[بقآيآ .. حرف]

جمهور .. مسرح .. صوت اعلى من الصوت
برق العيون و لهفتك يا ..." تحيّه"
خلف الستارة .. ترقب احلامك الموت
وانتي تعيشي تحت الانقاض...حيّه

[بقآيآ .. حرف]

يا حارث الهم في صدري هزيم الرّعد
و همّال وبل العباير فضّحت فيه عين
~
و باب الثلاثين و اسع هم ضيّق سعد
تذوب فيه الأماني بين شـك و يقـين

[بقآيآ .. حرف]

كان مُعجَب مالفت غيري أنظره
فالطباع وفالقصيد وفالعيون
كنت أحسبه ما حدٍ غيري أقدره
كنت أشوفه صعب لا يمكن يهون
مير جاه وجاب راسه وخبره
واحدٍ خلاه للعشره يخون
قد عطيته قلب لكن أكسره
ما دريت وكنت احسبنه يصون
قد عطيته حب لكن أخسره
كان حبي له على حد الجنون
ما ترك لي أي عذر واعذره
ما ترك لي غير ضربات الطعون
أدري إن العفو عند المقدره
بس عفواً قلبي الحين مغبون

سعد السبيعي