المتابعة اليومية لأخبار الطقس والتوقعات من ( 1 - 09 / 04 / 2016 م )

[ابو ملهي]

ما شاء الله سحابه ثانيه كاسره واسمع رعودها على محافظة القويعية
يوم جميل على القويعية

.

[صاحب السمو]

كيف الوضع خلال الساعات القادمه وخاصه الخرج والرياض

[حنالها]

السلام عليكم جوشتوي بارد الرياض اليوم 👍👍👍👍👍

[أبو مبارك]

ضباب واضح في الرياض قبل قليل

[صاحب السمو]

ابو مبارك اسعد الله صباحك كيف الوضع خلال الساعات القادمه في الخرج و الرياض

[رعد الافلاج]

مبروووك الامطار للجميع

[سحاب شقراء]

المشاركة الأصلية كتبت بواسطة أبو مبارك

ضباب واضح في الرياض قبل قليل

ابو مبارك جعل ربي يسعد قلبك امين
ومبروك الخير

تراي عاض ثوبي وراك الا هلحين

[سحاب شقراء]

معليش يامشرفنا الغالي ذا المره بس تستاهل البراري ومن يديرها كل خير
ولا تدققون بالحيل



جعل السحاب الي تكاشف بروقه


وتوحي به الرعاد وبله توطنك


سبعين عامن في البراري حقوقه


مانفقده لو يوم يالله تجي منك


ويخظرغصنن والنوامي تسوقه


وتنبت زماليق وجنا وروض يفتنك


وتهيض الشعار وتطرب طروقه


احدن يجي مسحوب وحدن يديونك


هذا الحيا وسمه على اسمه يلوقه


بمرالكر يم يروح وبمره يجي منك


سحاب شقراء

[صاحب السمو]

سحاب شقراء

صح لسانك

[الوااا(بالله)اااثق]

اللهم لك الحمد
أمطرنا بفضل الله ورحمته

الدلم
وادي ماوان سايل
شعيب وثيلان سايل
وادي الخبي سايل
وادي العين سايل
نساح سايل

السيول ما بين متوسطة القوة وضعيفة والحمد لله رب العالمين