|| هِنآ لـ آلحگيٌ لمسة إحساس / هِنآ لـ آلصدر [ تنهيدَه]

[البارق الغربي]

اكيد تدري صوتك الحلو لاغاب
احس نفسي تنكسر من غيابه

كذا غيابك للحزن يفتح ابواب
غصبا علي البس شقاه وثيابه

حبيت صوتك وان تثاقلت كذاب
من يعشقك لابد يفقد صوابه

منته بعادي كل ما فيك جذاب
كلك على بعضك خيال وغرابه

لك وحشة اتلفني شوق وعتاب
وان جيت تسكني حنان وطرابه

لاجاني صوتك تالي الليل منساب
فرشت له صدري قصيد وربابه

خذني بهمسك ضمني بين الاهداب
عمري بدونك ما اتحمل عذابه

سوالفك تفنى بها كل الاتعاب
لاقت على قلبي صدوق الاجابه

لك صوت يسريبي متاهات واعجاب
من رقته كل الجوارح تهابه

علمتني ان الوفا طبع الاحباب
ورسمت عمري وردتين وسحابه

الظن بك لوغبت والله ماخاب
وانت الذي مالك بعمري مشابه

اكيد تدري صوتك العذب لاغاب
احس نفسي تنكسر من غيابه