اشهد اني بعدها ماني بطايب

[رذاذ]

المشاركة الأصلية كتبت بواسطة البارق الغربي

السلام عليكم ورحمة الله وبركاته

مما راق لي ----

في خيالي شوق وأطلال وحبايب
جت بها الذكرى وهاجوسي سهرها


زار حلمي طيفها اللي كان غايب
ما نساها القلب لو حلمي ذكرها


من بنات الريح عطبات الصوايب
شفت لي صفراَ تصوب من نظرها


كن فيها كل زين الخلق ذايب
من يبي يوصف حلاها ما حكرها


جات يبراها الحلا والشوق شايب
والدروب المدهره تعشب باثرها

أقبلت مثل الفرس وقت الحرايب
يوم صوت مصيح الغاره ذعرها


ناحرت لي قلت يا منش السحايب
لطفك وسترك عليه من خطرها


عودها راوي وبالصدر المصايب
كن برق الصيف يلمع في نحرها


كل ماهبت نسانيس الهبايب
قام نسناس الهوى ينثر شعرها


مهرة صفرا عليها أشقر ذوايب
عنقاً ابيضها تخالط مع حمرها


خصرها معزول من حد الترايب
لو تعرض للهوى يمكن كسرها


هايفة خصر وحشا فيها العجايب
مابقى الا بطنها يلمس ظهرها


اشهد اني بعدها ماني بطايب
احيت جروح زماني قد قبرها


من حلاها راحت جروحي عطايب
ليت حلم الليل مر ولا ذكرها


تحياتي

صحّ النبض والذوووق يالبارق الغربي

قصيده ولاأروع ،

إختيار فريد يدل على شاعريتك الجميله ..

إستمر .. فكل مايروق لك يروق لنا ...

وآفر الإحترام لك ...


رذاذ