تكملة رحلتنا بعد اليمن إلى جزر فرسان ((الجزء الثاني)) من الرحلة

[ابو مشعل]

الله يعطيك العافيه اخي رحال رحله غاية في الروعه
واخراج ماعليه كلام وفقك الله
بانتظار جديدك
تحياتي

[العقيلي]

الله يعطيك العافيه اخي رحال على هذه الصور الرائعة
والله انك شوقتنا لرحلة لجزيرة فرسان، بس ماعطيتنا احداثيات للأماكن الجميلة التي تستحق الزيارة

[دندشه]

الله يعطيك العافيه

مشكور اخوي على السرد المنتاز

الله يوفقكم

دندشه

[rhaal]

أخوي أبو نوره 6

وفيك والله يحييك ويبقيك
ومشكور لتشريفك لنا بالموضوع يالغالي

[rhaal]

المشاركة الأصلية كتبت بواسطة المهند

ما شاء الله لا إله إلا الله والحمدلله على السلامة أخوي رحال ...
الله يسلمك من كل شر ومكروه

يا أخوك أشوى إنك ما حطيته بموضوعي كان أحرقته عليّ ...
إلا قصدك يضيع موضوعي مع إبداعك بصراحه
والحمدلله سبقتك بالتقرير كان خربت تقريري ... حتى قناة المجد في برنامجهم كشتات راحوا لفرسان وجابو تقرير مصور...

أخوي رحال تقرير جداً رائع ولايوصف من روعته وليتك ذكرت كل شيء ... لقطات لجزر أول مرة أشوفها ...
الله يخلينا هشام اللي دلنا ومشانا بهن والا كان رحنا وجينا ما شفناهن
وبعدين وش قصة هشام ... وكيف عرفتموه ... هل هو عن طريق المنتجع...
هشام له سالفة يبيلها قعده على النفود مع براد شاي ومعرفتنا له قبل نروح للجزيرة بس أول مرة نشوفه على الطبيعة
ووين الغزلان ماصورتها ...
أما الغزلان هي اللي للأسف لم نستطع الوصول إلى المحمية كان جايهم مطر غزير والأرض كلها طين وغراز بالطين وحاولنا نروح مع كم طريق نلقا إللي سبقونا قاعدين بالطين أما من ناحية الحماية الفطرية معطينا تصريح للتجول لمدة أربع ساعات وبلشنا نطلع جيوبهم اللي راحت بالطين
بصراحة رجعتني بتقريرك هذا إلى هذه الجزيرة والتي أتمنى أن تلقى أكثر اهتمام من قبل السياحة عندنا ...
بالعكس ما أرغب أهتمام إلا كان زيادة الشقق المفروشة أو الفنادق بس مثل ما يقولون أهل فرسان ((لا تزين العروس يكثر خطاطيبها)) شف الهامون وشف شواطي حقل وغيرها كثير يالله تلقا أماكن بعد 50 كيلو والنقطة الثانية لو كثرو الناس كثرت وساخت بعضهم الله يهديهم وشف الشرقية والثمامة وغيرها
ما عليش أبسولف واجد ... خذ راحك
بالنسبة للعبارة المصرية ليه احتكروها ...
بالعكس لا تعتبر أحتكار لأن أبو متعب الملك عبد الله (الله يحفظه ويرعاه) مستأجرها على حسابه وبالمجان للركاب ولسيراتهم يعني ليس هناك ما يدفع من الجيب
وبالفعل هي نظيفة لكن الدورات لك عليها لو إنها استغلالية "تذكرني بالحبلة" فطيرة لوزين بريالين ...
عز الله صدقت بهذي إستغلونا المصاريه لأنها ما تأجر عليهم والبوفيه تبعهم وكلش تبع الأجار اللي من أبو متعب
أخوي رحال بالنسبة للمنتجع مهوب غالي يعني 632 ريال غاليه على غرفة ما فيها إلا سريرين ...
وش نسوي وإلا ما أعطيها إلا 400ريال بالكثير لنفس الغرفة هنا إستغلال الناس لأنه لا يوجد بالجزيرة كلها إلا هالمنتجع
وين مسجد النجدي ... ما صورته ...
هذي مشكلة البطارية اللي وهقتنا وإلا فيه بعض الأماكن تستاهل التصوير بس بطاريتها خلصت
شكلي طولت ...أبد خذ راحتك يالمهند
شكراً لك أخوي رحال مرة أخرى على تقريرك الرائع ...

ومشكور على المرور والرد يالغالي
بس ترانا ما نجي شيء عندك

[rhaal]

المشاركة الأصلية كتبت بواسطة هادي

قمة الاحراااااج
انك تشوووف موضوع لاخي الرحااااااااال
ثم يليه رد اخوووي المهند
لانك ما تلقى كلام تقوووله بعدهم
مير خل نسلم ونطلع
مشكووووووووور




سلام

تسلم لنا أبو ناصر على المرور
ومشكور للرد يالغالي
وانت اللي ما قصرت معنا شايل المنتدى

[عبدالله الحارثى]

*************السلام عليكم ************
سلمت يالرحال على هذه الصور الجميلة .
فى إنتظارالجديد منكم.....................
ابو احمد,,,,,,,,,,

[rhaal]

المشاركة الأصلية كتبت بواسطة ذيب النشاما

تســـلم يــا الـــرحــال علــى الـــرحلــه الجميـــله والصــور الأجمـــل
والله يعطيك العافيه ياالطيـــب

والمهنـــد مــا قصـــر أيضـــاً في رحلتــه لنفـــسف الجــزيرهـ
والمعلـــومــات عنــها

الله يسلمك أخوي ويبارك فيك ويعافيك

أشوى المهند ريحنا بالشرح برحلة اللي قبلنا

[التميمي]

تسلم يا الرحال على اكمال هذه السلسة وبيض الله وجهك على الصور

[rhaal]

المشاركة الأصلية كتبت بواسطة هاوي بلادي

بارك الله فيك اخي الكريم

وفيك أخوي هاوي بلاده

ومشكور على المرور والرد