حبيبي قوم وصارحني عن احساسك وعلمني انا اطري على بالك كثر ماانته علي تطري

[عايد]

حبيبي نام ياعمري على صدري وصارحني
وفض الصمت باحساسك وخل الحب لي يجري
وفضفض لي بعد عمري وعاتبني وفهمني
أنا أطري على بالك كثر ما أنته علي تطري؟!
تعال أقرب من أحضاني ترى خدك مواعدني
يبي يلامس شغف روحي ويقطف بوحي من شعري
تعال أنثر هنا ليلك وخل ويلك يولعني
أنا أحبك وأبي قربك.. ترى مني قضى صبري
أنا نبضك زهر أرضك وأنت؟! ايه تملكني
بنحل خصرك ..جمر ثغرك وزود بلونك الخمري
تتوهني .. تغرقني.. ومن بردك تدثرني
وتبكي لي وتشكي لي وله قلبك ومن سحري
أبي دموعك مع أنفاسك بصدق الود تحرقني
وأبي عطرك مع سحرك وآهك بالحشا تسري
أبي همسك يبعثرني غلا ولمسك يلملمني
وأبي عيونك من عيوني تذوب من الولع كثري
وأبي عهدك مع وعدك وأبي كلك تسلمني
أبي أيدك تسافر بي وزهر قدك يلحفني
وأهيم بعالمك عاشق جنوني أنت .. وانت بي تدري
تشوف الجمر بعيوني؟! تشوف الشوق جنني؟!
أجل تدري مثل ما أدري بأنك حلمي يابدري
حبيبي قوم وصارحني عن إحساسك وعلّمني
أنا أطري على بالك؟! كثر ما أنته علي تطري؟

[تناهيد]

أنا أحبك وأبي قربك.. ترى مني قضى صبري
أنا نبضك زهر أرضك وأنت؟! ايه تملكني
,,
جميلة الابيـــــــآت
الله يعطيك العآفيه

[عذب الاحساس]

عايد
ابيات رائعه من روعة اختيارك
تحياااتي لك

[بقآيآ .. حرف]

هلابك أخوي عايد وهلا بجديدك
أبيات رأقت لي
سلمت ودمت ع التواجد
كل التحايا

[عايد]

تنااااهيد الشااعره والمشرفه والاخت الكريمه
كل الشكر على مرورك ومتابعتك الكريمه ,, لاعدمناكِ سيدتي
تقبلي مني كل الووود والاحترام لكِ

[عايد]

الاخ الكريم عذب الاحساس
كل التقدير والشكر لكَ استاذي على مرورك ومتابعتك الكريمه .. لاعدمناك
تقبل مني كل الود والاحترام

[عايد]

هلا بك مشرفنا القدير الاخ والصديق أبو خالد
لك خالص الشكر والعرفان على هذا المرور والمتابعه الكريمه ’’ لاعدمناك
تقبل مني كل الود والاحترام لكَ