من الزهر لبست صحاري نجد ثوب

[حالة جوية]

المشاركة الأصلية كتبت بواسطة هماليل المخيل

عسى السحاب اللي بروقه به شبوب
في روس مزنه بارقــــــه يشعل سناه

يمطر على دار المليحا واللعــــــــوب
ياخذ ثلاث ايام شـــــــــقٍ من سماه

وقت الضحى يوم ابصرته العين نوب
اقول هذا الليل عـــــــــــود في دجاه

ينزاح ربانه اليا هب الهبــــــــــوب
جفيل ربدٍ ذيــــــــــــره رمي الرماه

من الضــــحى لاما توارت بالغروب
مافيه عينٍ شافت الشمس وضياه

متحدرٍ وبل الغشين من النصوب
ضاقت مجاري سيلها من كثر ماه

بعد ثلاثه واربعه وقت امحسوب
ريح الخزاما والنفل عطــــر هواه

من الزهر لبست صحاري نجد ثوب
ثوب يسر اللي نظـــــر له من بهاه

الله الله الله
عذوبه فارهه كديمة ليلة ربيع
ما أجمل هذه الجزالة الراقية النقية
مبدع يا هماليل الشعر الأصيل
صح لسانك كثر زخات المطر

[ابن حماد]

المشاركة الأصلية كتبت بواسطة حالة جوية

الله الله الله
عذوبه فارهه كديمة ليلة ربيع
ما أجمل هذه الجزالة الراقية النقية
مبدع يا هماليل الشعر الأصيل

صح لسانك كثر زخات المطر

الجميل والجزل هو تواجدك ومروك العطر الجميل
تقبل تحيتي وتقديري